2020 جىلعى 13 مامىردا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسىندا ەل ىشىندە جولاۋشىلار پويىزدارىنىڭ ءجۇرۋىن قايتا باستاۋ تۋرالى شەشىم قابىلداندى. بۇل تۋرالى جاۋاپتى كولىك كوميتەتىنىڭ ءباسپاسوز قىزمەتى حابارلادى.
جولاۋشىلار پويىزدارى حالىقتىڭ سۇرانىسىن ەسكەرە وتىرىپ, 2020 جىلعى 1 ماۋسىمنان باستاپ كەزەڭ-كەزەڭمەن جانە وڭىرلەردەگى ەپيدەميولوگيالىق جاعدايعا بايلانىستى جۇزەگە اسىرىلا باستايدى.
اتاپ ايتقاندا, باستاپقى كەزەڭدە 54 پويىز ىسكە قوسىلادى, ونىڭ ىشىندە: نۇر-سۇلتان – الماتى, ماڭعىستاۋ, وسكەمەن, سارىاعاش, سەمەي, ارقالىق, پاۆلودار, پەتروپاۆل/قىزىل تۋ, ورال, جەزقازعان, قىزىلوردا;
➖ الماتى – شىمكەنت, پاۆلودار, اقتوبە, ماڭعىستاۋ, سارىاعاش, وسكەمەن, جەزقازعان, ۋرلالسك, پەتروپاۆل;
➖ قىزىلوردا – سەمەي;
➖ قوستاناي – قاراعاندى, ارقالىق, الماتى;
➖ قاراعاندى – جەزقازعان;
➖ قىزىلوردا – كوكشەتاۋ, پەتروپاۆل جانە قالا ماڭى قاتىناستارى باعىتتارى بويىنشا.جول ءجۇرۋ بيلەتتەرىن ساتۋ 2020 جىلعى 15 مامىردان باستالادى.