الماتى قالالىق قارجى مونيتورينگ كوميتەتىنىڭ ءباسپاسوز قىزمەتى شاھاردا تاعى دا ءبىر استىرتىن ويىنحانا انىقتالعانىن حابارلادى. جەدەل ءىس-شارا بارىسىندا «نۇرلى تاۋ» تۇرعىن ءۇي كەشەنىندەگى پاتەرلەردىڭ بىرىندە ورنالاسقان ويىنحانانىڭ جۇمىسى توقتاتىلعان.
تەكسەرىس كەزىندە پاتەردە ويىنشىلار مەن قىزمەت كورسەتۋشى جۇمىسشىلار بولعان. ءتىنتۋ بارىسىندا قۇمار ويىنعا ارنالعان پوكەر ويىنىنىڭ كەيسى, ويىن كارتالارى, فيشكالار جانە اقشالاي قاراجات تاركىلەنگەن.
«قازىرگى تاڭدا اتالعان فاكت بويىنشا قر قىلمىستىق كودەكسىنىڭ 307-بابىنا سايكەس سوتقا دەيىنگى تەرگەۋ امالدارى جۇرگىزىلۋدە. سول كۇنى ويىنحانادا بولعان ازاماتتاردى قالالىق پوليتسيا توتەنشە جاعداي ەرەجەلەرىن بۇزعانى ءۇشىن اكىمشىلىك كودەكستىڭ 476-بابى بويىنشا جاۋاپكەرشىلىككە تارتتى» دەلىنگەن حابارلامادا.