ۇلى جەڭىستىڭ 75 جىلدىق مەرەكەسىن اتاپ ءوتۋ قارساڭىندا نۇر-سۇلتان قالالىق ورتالىقتاندىرىلعان كىتاپحانالار جۇيەسى ءبىرشاما يگى ىستەر اتقاردى. وسى ورايدا, ۇيىمداستىرىلعان شارالاردىڭ دەنى ونلاين فورماتتا ءوتىپ, وعان قالا تۇرعىندارىمەن قاتار, ەل كولەمىندەگى ىنتالى وقىرماندار ات سالىستى.
اتاپ ايتار بولساق, كورەرمەندەردىڭ كوزايىمىنا اينالعان «ەسىمدەرى جۇرەكتەردە ساقتالعان», «ۆسپومنيم ۆسەح پويمەننو», «ماڭگىلىك پولك شەرۋى», «ەر ەسىمى ەل ەسىندە» اتتى ەسكە الۋ اللەياسى, «ەرلىگىڭدى ماقتان تۇتامىن» ت.ب. بىرەگەي جوبالاردىڭ سىرتىندا, بۇكىلالەمدىك كىتاپ جانە اۆتورلىق قۇقىق كۇنىنە وراي ۇيىمداستىرىلعان «كىتاپپەن بىرگە بولايىق» جوباسى دا كوپشىلىك كوڭىلىنەن شىقتى.
جوعارىداعى مادەني شارالاردى ويداعىداي اتقارۋ ءۇشىن بەلگىلى اقىن-جازۋشىلار مەن ونەر مايتالماندارى: تولقىن سۇلتان, التىناي نوگەربەك, تولقىن قابىلشا, قۇماربەك قالقاتاەۆ, اسەل سايلاۋباي, تۇرار ساتتارقىزى سەكىلدى ەلەۋلى تۇلعالار شاقىرىلىپ, ولارمەن وتكىزىلگەن ونلاين سۇحبات ءتۇرى وقىرمانداردىڭ رۋحاني سۇرانىسىن قاناعاتتاندارا الدى. ياعني, بەتپە-بەت اڭگىمە بارىسىندا وقىرماندار كەيىپكەرلەردىڭ وزەكجاردى اڭگىمەسىنە سۋسىنداۋمەن قاتار, وزدەرىن تولعاندىرعان سۇراقتارىنا دا جاۋاپ الدى.
كارانتين مەرزىمىن ءتيىمدى پايدالانعان كىتاپحانا قىزمەتكەرلەرى وسىلاي ءوز وقىرماندارىن وزەكتى اقپاراتپەن دەر كەزىندە قامتاماسىز ەتۋمەن قاتار, قىزىقتى, مازمۇندى جوبالار ۇيىمداستىرىپ, ونلاين سۇحبات, كەزدەسۋلەر وتكىزىپ, وقىرمانداردىڭ ىستىق ىقىلاسىنا بولەندى.