ماقتاارال اۋدانىندا تاسقىن سۋدان زارداپ شەككەن ازاماتتارعا ارناپ سالىناتىن تۇرعىن ۇيلەردىڭ قۇرىلىسىن 40-تان استام كومپانيا جۇرگىزبەك. بۇگىندە ۇيلەردىڭ ىرگەتاسىن قالاۋ جۇمىستارى باستالدى. قۇرىلىسقا نەگىزىنەن, وبلىس اكىمى ومىرزاق شوكەەۆتىڭ تاپسىرماسىنا وراي, ماقتاارال اۋدانىنىڭ تۇرعىندارى تارتىلۋدا.
مىرزاكەنت ىرگەسىندەگى تۇرعىن ءۇي سالۋ جۇمىستارىن باستاعان كومپانيالاردىڭ ءبىرى - «سترويكونسالتينگ» جشس. قۇرىلىس كومپانياسى ءبىرىنشى كەزەڭدە 10 ءۇيدىڭ قۇرىلىسىن ماۋسىم ايىنىڭ اياعىنا دەيىن اياقتايمىز دەپ وتىر.
ء«بىز بۇگىندە 10 ءۇيدىڭ ىرگەتاسىن قۇيۋ جۇمىستارىنا دايىندىقتى باستاپ كەتتىك. سالىناتىن ءۇي كولەمى 100 شارشى مەتر, ەنى مەن ۇزىندىعى 11-دە 11 مەتر. قۇرىلىس جۇمىستارىنا قاجەتتى قول كۇشىن نەگىزىنەن ماقتاارال اۋدانىنىڭ تۇرعىندارىنان تارتىپ جاتىرمىز. قۇرىلىسشىلارعا جالاقى ىستەگەن جۇمىس كولەمىنە ساي ءارى كەزەڭ-كەزەڭىمەن توقتاۋسىز تولەنىپ وتىراتىن بولادى. ەڭ باستى ماقسات - قۇرىلىستى ساپالى اياقتاپ, ەلدىڭ ىستىق ىقىلاسى مەن العىسىنا بولەنۋ», دەيدى كومپانيا جەتەكشىسى تالعات وراز ۇلى.
العاشقىلاردىڭ ءبىرى بولىپ جۇمىسقا ورنالاسقان مىرزاكەنت ەلدى مەكەنىنىڭ تۇرعىنى ەردوس باشاروۆ قيىن-قىستاۋ كەزدە جەرگىلىكتى تۇرعىن رەتىندە جاقسى ءىستىڭ باسى-قاسىندا ءجۇرۋدى ازاماتتىق بورىشى سانايدى. اۋداننىڭ جۇمىسسىز جۇرگەن جاستارىن قۇرىلىسقا اتسالىسۋعا شاقىرادى. «ايلىق ۋاقتىلى تولەنەدى. ءۇش مەزگىل تاماعى دا فيرما اتىنان تەگىن قاراستىرىلعان. ەندەشە, ۇيدە قاراپ وتىرماي مىرزاكەنتىمىزدىڭ ءوسىپ-وركەندەۋىنە ءبىر كىسىدەي اتسالىسايىق», دەيدى ەردوس باشاروۆ.
تۇركىستان وبلىسى