قازاقستان حالقى اسسامبلەياسىنىڭ مۇشەسى, كاسىپكەر باحادىر يريسمەتوۆ باسقاراتىن تۇركىستان قالالىق وزبەك ەتنومادەني بىرلەستىگى ماقتاارالدىقتارعا ازىق-ت ۇلىك, كيىم-كەشەك, تۇرمىسقا قاجەتتى زاتتار, گيگيەنالىق قۇرالدار, جيھازدار تيەلگەن گۋمانيتارلىق كومەك جەتكىزدى. كومەك كەرۋەندەگى م ۇلىكتىڭ جالپى قۇنى - 9 ملن 862 مىڭ تەڭگە.
«وسىنداي قيىن ساتتە بارشا حالىق ماقتاارال تۇرعىندارىمەن بىرگە ەكەندىكتەرىن كورسەتىپ, قولدان كەلگەن جاردەمىن بەرىپ جاتىر. تۇركىستان قالالىق ەتنومادەني بىرلەستىكتەردىڭ وكىلدەرى دە وسى ەلدىڭ تەز ەڭسە تىكتەۋىنە تىلەۋلەس بولۋدا. قازىر ەۆاكۋاتسيالىق ورتالىقتاردا ورنالاسقان ازاماتتاردىڭ سۇرانىسى ازىق-ت ۇلىك ەمەس كيىم-كەشەك, كورپە-توسەك پەن گيگيەنالىق زاتتار. وسى جايتتى ەسكەرىپ, ءبىز ناعىز قاجەتتى زاتتاردى اكەلۋدى ءجون كوردىك», دەيدى باحادىر يريسمەتوۆ. كومەك كەرۋەنىندەگى جۇك وبلىستىق شتاب قويماسىنا ءتۇسىرىلدى. جۇرت اماناتىن جەتكىزىپ بەرگەن بىرلەستىك جەتەكشىلەرى مۇنداي قايىرىمدىلىق شارالارى الداعى ۋاقىتتا دا جالعاساتىنىن ايتادى.
تۇركىستان وبلىسى