ماقتاارال اۋدانىنىڭ سۋ باسقان نۇرلىجول, ىرىستى, جاڭاتۇرمىس, فيردوۋسي, ورگەباس جانە جانتاقساي اۋىلدارىنان 1 ملن تەكشەمەتر سۋ سورىلدى. سونداي-اق اۋىلداردا جالپى ۇزىندىعى 21 شاقىرىمدىق ۋاقىتشا دامبىلار تۇرعىزىلدى. سۋدى اعىزۋ ءۇشىن 3 كوللەكتور ورناتىلعان.
توتەنشە جاعداي كوميتەتىنىڭ ءباسپاسوز قىزمەتى حابارلاعانداي, تۇركىستان, جامبىل, قىزىلوردا وبلىستارى, شىمكەنت قالاسى, اپاتتار مەديتسينا ورتالىعى, پوليتسيا ءبولىمى, ۇلتتىق گۆارديا, قورعانىس مينيسترلىگى, جەرگىلىكتى اتقارۋشى ورگاندار, وزبەكستان رەسپۋبليكاسى توتەنشە جاعدايلار مينيسترلىگىنىڭ كۇشتەرى مەن اكتيۆتەرىنەن قۇرالعان 1574 ادام, 280 تەحنيكا, 15 ءجۇزۋ قۇرالدارى, 160 موتوسورعىش تاۋلىك بويى جۇمىسىن جالعاستىرۋدا. جۇمىستارعا ۇيىمدار مەن ەرىكتىلەر دە تارتىلعان.
سۋ باسقان 5 ەلدى مەكەن اۋماعىندا حالىقتىڭ جەكە زاتتارىن, قۇجاتتارى مەن مۇلكىن ەۆاكۋاتسيالاۋ, ءۇي جانۋارلارىن قۇتقارۋ جانە پاترۋلدەۋ جۇمىستارى جالعاسۋدا.