• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
ايماقتار 07 مامىر, 2020

تۇركىستان: Nur Otan پارتياسىنان 40 توننادان استام گۋمانيتارلىق كومەك كەلدى

157 رەت
كورسەتىلدى

تۇركىستان وبلىسى, ماقتاارال اۋدانىنا Nur Otan پارتياسىنىڭ 40 توننادان استام گۋمانيتارلىق كومەگى كەلىپ جەتتى.

ء«بىز بىرگەمىز» اكتسياسى بويىنشا پارتيا توراعاسىنىڭ ءبىرىنشى ورىنباسارى باۋىرجان بايبەكتىڭ باستاماسىمەن جولدانعان 40 توننا ازىق-ت ۇلىك 1500 وتباسىعا 30 كەلىدەن ۇلەستىرىلىپ بەرىلەدى دەپ جوسپارلانىپ وتىر. وبلىس اكىمى, پارتيانىڭ وبلىستىق فيليالى توراعاسى ومىرزاق شوكەەۆ گۋمانيتارلىق كومەكتى جەتكىزگەن ازاماتتارعا ريزاشىلىعىن ءبىلدىرىپ, اپات سالدارىن بىرىگىپ جويۋ كەرەكتىگىن ايتتى. «ەلباسى, Nur Otan پارتياسى ءاردايىم قيىندىقتا ەلدىڭ جانىنان تابىلىپ, كومەك كورسەتىپ كەلەدى. مىنە,  نۇر-سۇلتان قالاسىنان ارنايى كومەك جولداپ وتىر. پرەزيدەنتىمىز قاسىم-جومارت توقاەۆ ماقتاارالدى قالپىنا كەلتىرۋدى نازاردا ۇستاپ, قولداۋ كورسەتىپ جاتقانىن دا بىلەسىزدەر. قازىر بىزگە قول كۇشى قاجەت. بىرنەشە باعىت بويىنشا جۇمىس ايقىندالىپ جاتىر. ەۆاكۋاتسيالىق ورتالىقتاردا تۇرعىندارعا جاعداي جاسالۋى ءتيىس. وسى رەتتە «جاسوتاندىقتار» جاستاردى, ەرىكتىلەردى ۇيىمداستىرىپ, ورتاق ىسكە جۇمىلدىرۋى كەرەك», دەدى وبلىس اكىمى. بۇل جۇمىستاردى ۇيلەستىرۋ  پارتيانىڭ وبلىستىق فيليالى توراعاسىنىڭ ءبىرىنشى ورىنباسارى ب.تاجىباەۆقا تاپسىرىلدى.

ال رەسپۋبليكالىق «Jas Otan» جاستار قاناتىنىڭ توراعاسى ەلنۇر بەيسەنباەۆ كومەككە دايىن ەكەنىن جەتكىزدى. «پارتيانىڭ گۋمانيتارلىق كەرۋەنىن الىپ كەلدىك. جىگىتتەر جۇمىس ىستەپ جاتىر. ءبىز وزدەرىڭىزبەن, وسىنداعى ازاماتتارمەن اقىلداسىپ, قانداي كومەك كەرەك ەكەنىن باعدارلاۋدامىز. سىر وڭىرىنەن, شىمكەنتتەن دە «جاسوتاندىقتار» كەلدى»,  دەدى ول. ءوز كەزەگىندە ماقتاارالدىق تۇرعىندار قيىن ساتتە ەلدىڭ قاسىنان تابىلا بىلگەن جەتەكشى پارتيا وكىلدەرىنە العىسىن جەتكىزدى. 

 

تۇركىستان وبلىسى

سوڭعى جاڭالىقتار