الماتى قالاسىندا جۇمىسپەن قامتۋدىڭ جول كارتاسى اياسىندا 214 ينفراقۇرىلىمدىق جوبانى ىسكە اسىرۋ جوسپارلانىپ وتىر.
ونىڭ ىشىندە كەلەسى جۇمىس تۇرلەرى مەن نىساندار:
1. الەۋمەتتىك-مادەني وبەكتىلەردى كۇردەلى جانە اعىمداعى جوندەۋ, قايتا جاڭارتۋ;
2. تۇرعىن ءۇي-كوممۋنالدىق شارۋاشىلىق وبەكتىلەرىن كۇردەلى, ورتاشا جانە اعىمداعى جوندەۋ, قايتا جاڭارتۋ;
3. ينجەنەرلىك-كولىك ينفراقۇرىلىمىن كۇردەلى, ورتاشا جانە اعىمداعى جوندەۋ, قايتا جاڭارتۋ جانە سالۋ;
4. ەلدى مەكەندەردى اباتتاندىرۋ.ينفراقۇرىلىمدىق جوبالاردى ىسكە اسىرۋ اياسىندا جۇمىسسىز جاستار ءۇشىن باسىمدىقتى جۇمىسپەن قامتۋ ورتالىقتارى ارقىلى جالدامالى جۇمىسشىلاردىڭ كەمىندە 50%-ى بولاتىن 26 مىڭ جاڭا جۇمىس ورىندارىن قۇرۋ جوسپارلانۋدا.
جۇمىسپەن قامتۋدىڭ جول كارتاسى اياقتالعاننان كەيىن جاڭا نىساندار سالۋ ارقىلى 2045 تۇراقتى جۇمىس ورنى قۇرىلادى.
جۇمىسپەن قامتۋدىڭ جول كارتاسىن جۇزەگە اسىرۋ ناتيجەسىندە 47 جاڭا نىسان, ونىڭ ىشىندە 31 الەۋمەتتىك نىسان سالىنادى.ءوتىنىش بەرۋ ءۇشىن ء(وتىنىش بەرۋشىلەر مەن جۇمىس بەرۋشىلەرگە) جۇمىسپەن قامتۋ ورتالىعىنىڭ سايتى (http://cz-almaty.kz/) جۇمىس ىستەيدى, وندا قابىلدانعان شارالار تۋرالى تولىق اقپارات بار, ءوتىنىش بەرۋگە سىلتەمە دە بار.جول كارتاسى اياسىندا جۇمىسقا ورنالاسۋعا جاردەمدەسۋ ءۇشىن 6 408 ادامنان تۇيىندەمە قابىلدانىپ ۇلگەرگەن. ونىڭ ىشىندە 708 ادام - قۇرىلىس الاڭدارىندا جۇمىس ىستەۋ ءۇشىن ءوتىنىش جولداعان.
بارلىعى 12 جوبا تىركەلگەن بولسا, 468 جۇمىس ورنى اشىلعان. ازىرگە تىركەلگەن جۇمىسسىزداردىڭ ىشىندە 38 ادام تۇراقتى جۇمىسقا ورنالاسقان.