كەشەدەن باستاپ الماتىدا كاسىپورىنداردى ىسكە قوسۋدىڭ 3-كەزەڭى باستالعانى بەلگىلى. تيىسىنشە بارلىق مەكەمەلەر الدىمەن قالالىق باس سانيتار بەكىتكەن قاۋلىداعى ەپيدەميالوگيلىق تالاپتاردى ورىنداۋى قاجەت جانە infoalmaty.kz سايتىنا ءوتىنىش قالدىرۋى ءتيىس.
اتالعان كەزەڭدە 41 مىڭنان استام الماتىلىق جۇمىسقا قايتا كىرىسەدى دەپ كۇتىلۋدە. ىسكە كىرىسۋ ءۇشىن مەكەمەلەر بارلىق سانيتارلىق ەپيدەميالوگيالىق تالاپتارعا ساي بولۋى كەرەك.
ءبىر جارىم اي ۇزىلىستەن كەيىن جۇمىسقا كىرىسكەندەردىڭ ءبىرى ەرلان نۇردانبەك. شاھاردا ءوزىنىڭ جەكە سۇلۋلىق سالونىن جۇرگىزەتىن ەرلاننىڭ قۋانىشىندا شەك جوق. كاسىپكەر ءوز كەزەگىندە بارلىق تالاپتاردان سۇرىنبەي ءوتىپ, مامانداردىڭ رۇقساتىن العان.
ء «بىز اشىلۋعا بولادى دەگەن حابارلاندىرۋدى ەستىگەندە بىردەن جۇمىس ورنىمىزدى تالاپقا ساي ەتىپ ازىرلەدىك. ءبىز ءۇشىن قىزمەتكەرلەرىمىز بەن كەلۋشىلەرىمىزدىڭ دەنساۋلىعى بارىنەن ماڭىزدى. شاشىن قالىپقا كەلتىرگىسى كەلەتىندەردى تەك الدىن-الا جازىلۋ بويىنشا قابىلداپ جاتىرمىز. بەتپەردەسىز كەلگەن ازاماتتاردى قابىلدامايمىز», دەيدى ەرلان نۇردانبەك.
الماتى كاسىپورىندارىن قالپىنا كەلتىرۋدىڭ ءۇشىنشى كەزەڭىندە شاشتارازدار, (الدىن-الا جازىلۋ بويىنشا), فوتوسالون مەن گۇل ساتاتىن دۇكەندەر, جىلجىمايتىن م ۇلىككە قىزمەت كورسەتەتىن كومپانيالار, ايىرباستاۋ پۋنكتتەرى بىرتە-بىرتە قالىپتى ومىرگە قادام باسادى. سونداي-اق, قىزمەت كورسەتۋ سالاسىندا اياق كيىم جوندەۋ, حيميالىق تازالاۋ ورىندارى جانە باسپاحانالار ءوز جۇمىسىن باستايتىن بولادى.