ماقتاارال اۋدانىنداعى توتەنشە جاعدايعا بايلانىستى تۇركىستان وبلىستىق جانە ماقتاارال, جەتىساي اۋداندارىنىڭ ارداگەرلەر كەڭەسى ۇندەۋ جاريالادى.
«بۇل ءبىزدىڭ ءوڭىر حالقىنىڭ باسىنا تۇسكەن اۋىر ناۋبەت, ۇلكەن سىن. بىزدەر, تۇركىستان وبلىسى حالقى, مىزعىماس بىرلىگىمىزدىڭ, تاتۋلىعىمىزدىڭ, ىنتىماعىمىزدىڭ ارقاسىندا مۇنداي سىنداردان تالاي رەت وتكەنبىز. مەملەكەتتىڭ, قالىڭ جۇرتشىلىقتىڭ قولداۋىمەن بۇل سىننان دا وتەتىندەگىمىزگە سەنىمىمىز كامىل. تاسقىن سۋدان زارداپ شەككەن, قۇلاعان, پايدالانۋعا جارامسىز بولىپ قالعان نىسانداردى قالپىنا كەلتىرۋگە, ءسويتىپ تۇرعىنداردى قالىپتى ومىرگە كوشىرۋگە ەداۋىر مولشەردە قاراجات, قۇرىلىس ماتەريالدارى, تەحنيكا مەن قول كۇشى قاجەت بولادى. «بىرلىك بار جەردە, تىرلىك بار» دەگەن اتالى ءسوز بار. ەندەشە ارقايسىمىز مۇمكىندىگىمىزگە قاراي ۇلەسىمىزدى قوسساق ۇلكەن ءىس جاساعان, ەلدىگىمىزدى تانىتقان بولار ەدىك», دەدى اتاكەنت كەنتىندە وتكەن جيىندا ۇندەۋ ءماتىنىن جاريا ەتكەن وبلىستىق ارداگەرلەر كەڭەسى توراعاسىنىڭ ورىنباسارى كەنجەحان تولەباەۆ.
جيىندا ءسوز العان Nur Otan پارتياسى وبلىستىق فيليالى توراعاسىنىڭ ءبىرىنشى ورىنباسارى بەيسەن تاجىباەۆ تاسقىن سۋمەن كۇرەس جۇمىستارىنىڭ بارىسىن بايانداپ, قايىرىمدىلىق شارالارىنىڭ ارقاسىندا ارنايى قويماداعى ازىق-ت ۇلىكتىڭ ساعات ساناپ مولايىپ كەلە جاتقانىن جەتكىزدى. ۇندەۋگە قولداۋ بىلدىرگەن تۇرعىندار مەن كاسىپكەرلەر قازىردىڭ وزىندە وبلىستىق قورعا 1 ملن تەڭگە كومەك قارجى اۋدارىپ ۇلگەرگەن. ارداگەرلەر بۇل كولەم الداعى ۋاقىتتا ەسەلەپ ءوسىپ, جينالعان قارجى-قاراجاتتار تۇرعىن ءۇي, جول سالۋ جۇمىستارىنا باعىتتالاتىنىنا سەنىمدى.
تۇركىستان وبلىسى