الماتى قالاسىنىڭ مەملەكەتتىك باس سانيتارلىق دارىگەرى جانداربەك بەكشين ونلاين بريفينگ بارىسىندا قالاداعى سوڭعى جاعدايلارعا قاتىستى مالىمدەدى.
– الماتىدا دەرتكە شالدىققانداردىڭ باسىم بولىگى ەرەسەكتەر. بارلىق كونتينگەنت بويىنشا ايتساق, 14 جاسقا دەيىنگى بالالار اراسىندا 37 جاعداي تىركەلگەن (3,7%) 15-19 جاستاعى بالالار اراسىندا 54 جاعداي انىقتالدى. بۇل بارلىق اۋرۋلار سانىنىڭ 5,4 %-ى بولىپ وتىر. ەڭ كوپ تىركەلگەن 20-29 جاستاعى ەرەسەكتەردىڭ سانى – 340 (34,4 %). 30-39 جاستاعى ەرەسەكتەر اراسىندا 184 جاعداي تىركەلدى (18,6 %). 40-49 جاستاعىلار اراسىندا 164 ادام, 60-تان اسقان ۇلكەن كىسىلەردەن 70 ادام اۋىرعان, – دەدى جانداربەك بەكشين.
باس سانيتار تىلگە تيەك ەتكەندەي, ءدال قازىرگى ساتتە قالانىڭ 366 نۇكتەسىندە ىندەت وشاعى بار. بۇگىنگى كۇنگە دەيىن 1028 ناۋقاس تىركەلگەن الماتى كورونوۆيرۋسپەن ناۋقاستانعانداردىڭ سانى بويىنشا كوش باسىندا تۇر. شاھاردا اتى جامان تۇماۋدان 8 ادام كوز جۇمعان بولاتىن.