الماتى قالاسىنىڭ اكىمى باقىتجان ساعىنتاەۆتىڭ تاپسىرماسى بويىنشا قالا اكىمىنىڭ ورىنباسارى ەرجان باباقۇماروۆ بەينە-كونفەرەنتسيالىق بايلانىس رەجىمىندە قالالىق ينفەكتسيالىق جانە پروۆيزيالىق اۋرۋحانالاردىڭ باس دارىگەرلەرىمەن كەڭەس وتكىزدى.
جيىنعا مەملەكەتتىك باس سانيتارلىق دارىگەر جانداربەك بەكشين, قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ قاتىستى.
جيىننىڭ باستى ماقساتى – COVID-19 جۇقتىرعان ناۋقاستارمەن جۇمىس ىستەيتىن مەديتسينا قىزمەتكەرلەرىنىڭ ەڭبەك قاۋىپسىزدىگىن قامتاماسىز ەتۋ بويىنشا قابىلدانىپ جاتقان شارالار تۋرالى باس دارىگەرلەردىڭ ەسەبىن تىڭداۋ.
ىشكى ينفەكتسيالىق باقىلاۋدى كۇشەيتۋ, ەپيدەمياعا قارسى رەجيم ستاندارتتارىن ساقتاۋ جانە دارىگەرلەر مەن مەديتسينا قىزمەتكەرلەرىنىڭ ەڭبەك قاۋىپسىزدىگى ماسەلەلەرى قارالدى. سونداي-اق مەديتسينالىق ۇيىمداردى جقق-مەن قامتاماسىز ەتۋ, ونى پەرسونالدىڭ دۇرىس پايدالانۋىن قاداعالاي ماسەلەسى ءسوز بولدى. ينفەكتسيالىق پالاتالارداعى سۇزگى-بوكستارىنىڭ جۇمىسىن ۇيىمداستىرۋ, مەكەمەلەردىڭ ءۇي-جايلاردى «تازا» جانە ينفەكتسيالانعان ايماقتارعا ءبولۋ قاعيداتىن ساقتاۋى, سونداي-اق جەلدەتۋ, بەينەباقىلاۋ جۇيەلەرىنىڭ جۇمىس ىستەۋى, قابىلداۋ بولىمشەلەرىنىڭ «3H» (ترياج) جۇيەسىنىڭ جۇمىسىن ۇيىمداستىرۋ جانە ت.ب. ماسەلەلەرى دە تىلگە تيەك ەتىلدى.
الماتى قالاسىنىڭ مەملەكەتتىك باس سانيتارلىق دارىگەرى جانداربەك بەكشين مەديتسينالىق ۇيىمدار قابىلداعان ەڭبەك قاۋىپسىزدىگى شارالارى بويىنشا جاعدايعا ەگجەي-تەگجەيلى تالداۋ جاساپ, باياندادى.
بۇگىندە الماتىدا 1320 توسەك-ورىنعا ارنالعان 7 جۇقپالى ستاتسيونار جۇمىس ىستەيدى. اتاپ ايتقاندا, پروۆيزورلىق ەمدەۋگە جاتقىزۋ ءۇشىن 1164 توسەك-ورىنعا ارنالعان 12 ستاتسيونار بەلگىلەندى.
№2 قالالىق پەرزەنتحانانىڭ باس دارىگەرى گ. نۇرلانوۆا, قالالىق كلينيكالىق جۇقپالى اۋرۋلار اۋرۋحاناسى ء(مودۋلدى اۋرۋحانا) فيليالىنىڭ مەڭگەرۋشىسى م. مۇقاشەۆ, قالالىق بالالار كلينيكالىق جۇقپالى اۋرۋلار اۋرۋحاناسى باس دارىگەرىنىڭ م.ا. ە. اليبي, دارىگەر ءارى پسيحيكالىق دەنساۋلىق ورتالىعىنىڭ باس دارىگەرىنىڭ م.ا. ج. جولدىباەۆانىڭ باياندامالارى تىڭدالدى.
كەڭەس قورىتىندىسى بويىنشا الماتى قالاسى اكىمىنىڭ ورىنباسارى ەرجان باباقۇماروۆ قوعامدىق دەنساۋلىق باسقارماسىنا مەديتسينالىق ۇيىمدار مەن كارانتيندىك نىساندارداعى قورعاۋ رەجىمىن قامتاماسىز ەتۋدى ەرەكشە باقىلاۋعا الۋدى تاپسىردى. ال تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە بۇل ماسەلەنى تۇراقتى باقىلاۋدا ۇستاۋ تاپسىرىلدى.