قيىن ساتتە قىسىلعانعا قولداۋ كورسەتۋ قوعامعا ورتاق پارىز. توتەنشە جاعداي جاريالانىپ, كارانتين كۇشىنە ەنگەلى بەرى الماتىدا قايىرىمدىلىق شارالارى ۇزدىكسىز ۇيىمداستىرىلىپ كەلەدى. مۇنداي يگى ىسكە تەك كاسىپكەرلەر مەن قالتالى ازاماتتار عانا ەمەس, مەملەكەتتىك مەكەمەلەر مەن قوعامدىق ۇيىمدار دا اۋقىمدى ۇلەس قوسىپ جاتىر.
ماسەلەن الماتى قالاسىنا قاراستى جەتىسۋ اۋدانى پوليتسيا باسقارماسىنىڭ وكىلدەرى يۋۆەنالدى پوليتسيا قىزمەتكەرلەرىن تاعايىندادى. ولار كوپبالالى جانە از قامتىلعان وتباسىلارعا ازىق-ت ۇلىك ۇلەستىرۋ شاراسىن قولعا الدى.
– ءبىزدىڭ ينسپەكتورلار ازىق-ت ۇلىك سەبەتتەرىن ءوز كۇشتەرىمەن تاسىدى. كۇنكورىسى تومەن كوپ بالالى جانە از قامتىلعان وتباسىلارعا ازىق-ت ۇلىك سەبەتى تۇرىندە كومەك كورسەتۋ تۋرالى كوپتەگەن قوڭىراۋلار, حابارلامالار ۇزدىكسىز كەلىپ جاتىر. ءبىز ارىپتەستەرىمىزبەن بىرگە ازىق-ت ۇلىكتەر مەن قاجەتتى زاتتار سالىنعان سومكەلەردى جينادىق. وتكەن كۇنى ەكى وتباسىعا قوناققا باردىق, ولاردىڭ ءبىرى – از قامتىلعان, ەكىنشىسى – كوپبالالى, وندا ۇشتەن التى بالاعا دەيىن تاربيەلەنۋدە. ەل باسىنا قيىن ءسات تۋعاندا جاقسىلىق جاساۋدان شەت قالعىمىز كەلگەن جوق, – دەيدى جەتىسۋ اۋداندىق پوليتسيا باسقارماسىنىڭ باسشىسى دارحان مۇسانوۆ.