توتەنشە جاعداي كەزىندە بىرقاتار ساناتتاعى ازاماتتاردى قولداۋ ماقساتىندا تاعايندالعان 42500 تەڭگە كولەمىندەگى الەۋمەتتىك تولەمدى 416 مىڭ الماتىلىقتىڭ العانىن بۇعان دەيىن حابارلاعان ەدىك.
الماتى اكىمدىگىنىڭ وڭىرلىك كوممۋنيكاتسيالار الاڭىندا وتكەن ونلاين بريفينگ بارىسىندا الەۋمەتتىك ءال-اۋقات باسقارماسىنىڭ باسشىسى راحات شيماشەۆا 15 مىڭ ادام اتالعان جاردەماقىنى ءوز ەركىىمەن مەملەكەتكە قايتارعانىن مالىمدەدى.
«اتالعان تولەمدى الۋ تالاپتارىنا سايكەس كەلمەگەن 471 مىڭ ءوتىنىش ماماندار تاراپىنان ماقۇلدانباعان. تۇتاس ەل اۋماعى بويىنشا 42500 تەڭگە كولەمىندە كومەك العان 163 مىڭ ادام مەملەكەتكە اقشانى قايتارعان بولسا, الماتى قالاسى بويىنشا 15 مىڭ ادام العان جاردەماقىسىنان باس تارتقان», - دەدى باسقارما باسشىسى.
ەستە بولسا, بۇعان دەيىن مەملەكەت بەلگىلەگەن اقشالاي كومەكتى زاڭسىز العاندار جاۋاپقا تارتىلاتىنى تۋرالى ءتۇرلى اقپارات تاراعان ەدى. كەيىننەن سالاعا جاۋاپتى مينيستر, ەشكىمنىڭ دە جازالانبايتىنىن ايتىپ مالىمدەگە جاساعان بولاتىن.