ەلباسى نۇرسۇلتان نازارباەۆ نەگىزىن قالاعان «بىرگەمىز» قورى جانىنان قۇرىلعان «الماتى بىرگەمىز» جوباسىنىڭ قولداۋىمەن بۇعان دەيىن الەۋمەتتىك تۇرعىدان از قامتىلعان 23 مىڭ 472 الماتىلىق 50 مىڭ تەڭگە كولەمىندە اقشالاي كومەك العانىن ايتقان ەدىك. توتەنشە جاعداي مەرزىمىنىڭ ۇزارتىلعانىنا بايلانىستى اتالعان كومەك ازاماتتارعا ەكىنشى مارتە بەرىلىپ جاتىر.
«ەلباسى نۇرسۇلتان نازارباەۆ 27 ءساۋىر كۇنى از قامتىلعان وتباسىلارعا الەۋمەتتىك تولەمدى ەكىنشى رەت بەرۋگە تاپسىرما بەرگەن ەدى. ول تاپسىرمانىڭ قازىر 90 پايىزى ورىندالدى. ەكىنشى رەتتىك الەۋمەتتىك تولەم الاتىن ازاماتتاردىڭ سانى بىرىنشىگە قاراعاندا كوبەيدى. قالا بويىنشا كومەكتى الۋعا قۇقىلى 28 592 ادام تىزىمدە بار. بۇگىندە ونىڭ 25 مىڭنان استام وتباسى اتالعانى اقشانى الىپ ۇلگەردى», – دەيدى «اlmaty birgemiz» وڭىرلىك قورىنىڭ جەتەكشىسى بوريس جاپاروۆ.
كومەككە قول جەتكىزەتىن ازاماتتاردىڭ ءتىزىمىن ەڭبەك جانە حالىقتى الەۋمەتتىك قولداۋ مينيسترلىگى ازىرلەگەن. تۇرعىنداعا ەشقانداي قۇجات وتكىزۋدىڭ قاجەتى جوق. بۇعان دەيىن جاۋاپتى ماماندار كومەككە مۇقتاج ازاماتتاردىڭ تەلەفونىنا سمس حابارلاما جىبەرىلەتىنىن مالىمدەگەن بولاتىن.