كورشىلەس رەسەيدە كوروناۆيرۋس جۇقتىرعان ادام سانى ىندەتتىڭ وشاعى بولعان قىتاي مەن يراننان دا اسىپ كەتتى.
رەسمي مالىمەتكە سۇيەنسەك, ەلدە بارلىعى 99 399 ادام ىندەت جۇقتىرعان. ونىڭ ىشىندە 6 مىڭعا جۋىق ناۋقاس سوڭعى تاۋلىكتە انىقتالعان.
10 286 ادام ەمدەلىپ, ىندەتتەن قۇلان-تازا ايىعىپ شىقسا, 972 ناۋقاس قايتىس بولعان.
كوروناۆيرۋس ەڭ العاش قىتايدا انىقتالعانىمەن, ازيادا ۆيرۋس ەڭ كوپ تاراعان ەل رەسەي بولىپ وتىر. ەلدە ناۋقاستاردى انىقتاۋ ءۇشىن بارلىعى 3,3 ملن تەست جاسالعان ەكەن.
رەسەيدىڭ پرەمەر-ءمينيسترى ميحايل ميشۋستين ازىرگە جاعداي جاقسارمايىنشا شەتەل ازاماتتارى ءۇشىن ەل شەكاراسى جابىق بولاتىنىن مالىمدەدى. ازىرگە بۇل شارا قاشانعا دەيىن جالعاساتىنى بەلگىسىز.
12 مامىرعا دەيىن ايماق باسشىلارى مەن ورتالىق قازىرگى جاعدايدى ەسەپكە الا وتىرىپ, وڭىرلەردە بىرتىندەپ شەكتەۋ شارالارىن باسەڭدەتۋ جولدارىن قاراستىرىپ جاتىر.
قازىر ۆيرۋس ەل استاناسى ماسكەۋدەن گورى ايماقتاردا كوبىرەك تارالىپ كەلەدى.