بۇگىن استانا قالاسىنىڭ ماڭگىلىك ەل داڭعىلىندا ورنالاسقان كوپقاباتتى تۇرعىن ۇيلەردىڭ بىرىنەن ءورت شىقتى. توتەنشە جاعدايلار مينيسترلىگىنىڭ قۇتقارۋشىلارى ءتىلسىز جاۋدى جەدەل اۋىزدىقتادى, دەپ حابارلايدى Egemen.kz.
وقيعا ون ەكى قاباتتى تۇرعىن ءۇيدىڭ جەتىنشى قاباتىنداعى پاتەرلەردىڭ بىرىندە بولعان. الدىن الا مالىمەت بويىنشا, پاتەردەگى كەرمە توبە (ناتياجنوي پوتولوك) ورتەنگەن.
ەلوردادا LRT ستانساسىنان ءورت شىقتى
تجم بولىمشەلەرىنىڭ كاسىبي ءىس-قيمىلىنىڭ ارقاسىندا ءورتتىڭ كورشى پاتەرلەرگە تارالۋىنا جول بەرىلمەدى. ءورت سوندىرۋشىلەر وقيعا ورنىنا جەتىپ, جالىندى قىسقا ۋاقىتتا وقشاۋلاپ, تولىقتاي ءسوندىردى.
وسكەمەندەگى جارىلىس: ءتورت ادام اۋرۋحاناعا جەتكىزىلدى
وقيعا سالدارىنان زارداپ شەككەندەر مەن قازا تاپقاندار جوق. قازىرگى ۋاقىتتا ماماندار ءورتتىڭ شىعۋ سەبەبىن انىقتاپ جاتىر.
توتەنشە جاعدايلار مينيسترلىگى ەلوردا تۇرعىندارى مەن قوناقتارىنا ءورت قاۋىپسىزدىگى ەرەجەلەرىن قاتاڭ ساقتاۋ قاجەتتىگىن تاعى دا ەسكە سالادى.