تۇركىستان: ەكسپورتقا باعىتتالعان 4 كاسىپورىندى ىسكە قوسۋ كوزدەلىپ وتىر

ناقتىراق ايتساق, «تۇلپار ماي» جشس-ىنىڭ جىلىنا 6 600 توننا ماقتا مايىن وندىرەتىن, ينۆەستيتسيا سوماسى 3,4 ملرد تەڭگەلىك جوباسى, «JID&COM» جشس-ىنىڭ قۋاتى جىلىنا 400 توننا باقشا جانە جەمىس-جيدەك ونىمدەرىن تەرەڭ وڭدەۋ زاۋىتى (ينۆەستيتسيا سوماسى 0,2 ملرد تەڭگە), «Ecoinvest» جشس-ىنىڭ جىلىنا 16 مىڭ توننا اۋىل شارۋاشىلىعى ونىمدەرىن ءوندىرۋ (ينۆەستيتسيا سوماسى 6,8 ملرد تەڭگە), سونداي-اق «Standart Petroleum & Co» جشس-ىنىڭ كومىر-حيميا كومبيناتى (ينۆەستيتسيا سوماسى 24 ملرد تەڭگە) جوباسى جۇزەگە اسىرىلماق.

وڭىردە سونداي-اق ەكسپورتقا باعدارلانعان «Standard Petroleum» جشس مۇناي وڭدەۋ زاۋىتى بوي كوتەرەدى.  جاڭا زاۋىتتى ورداباسى اۋدانىندا 2021 جىلى ىسكە قوسۋ جوسپارلانعان. ەكسپورت كولەمى جىلىنا 2 ملن اقش دوللارىن قۇرايدى دەپ كۇتىلۋدە. جالپى قۇنى 95 ملرد تەڭگە بولاتىن جوبا ياسىندا مىڭنان استام جاڭا جۇمىس ورنى اشىلادى. بۇل الداعى ۋاقىتتىڭ ەنشىسىندەگى ىستەر. ال قازىرگى ۋاقىتتا وڭىردە سىرتقى ساۋدا ەكسپورتى توقتاعان جوق. كوروناۆيرۋس كوكونىس ەكسپورتىنا ءوز كەسىرىن تيگىزگەنى جاسىرىن ەمەس, دەگەنمەن ۋران, ۇن, ترانسفورماتورلار مەن بالىق ونىمدەرى جانە كۇركەتاۋىق ەتى نەگىزگى شيكىزاتتىق ەمەس ەكسپورتتالاتىن تاۋارلار رەتىندە اتالۋدا.

وڭىردەگى تاۋاروندىرۋشىلەردىڭ ەكسپورتىن ىلگەرىلەتۋ ماقساتىندا ء«بىر تەرەزە» قاعيداتى بويىنشا قىزمەتتەردىڭ كەڭ ءتۇرىن  ۇسىناتىن «Turkistan Invest» قىزمەت كورسەتۋ ورتالىعى قۇرىلعان. ونىڭ كومەگىنە جۇگىنۋشى كاسىپكەرلەردىڭ قاتارى دا كوبەيگەن. ماسەلەن, «Turkistan Invest» كومەگىمەن كولىك قىزمەتتەرىنە, شەتەلدىك كورمەلەرگە قاتىسۋعا جانە تاۋاردى شەتەلدە جارنامالاۋعا جۇمسالعان شىعىنداردى وتەۋ ءۇشىن «QazIndustry «سوو» اق - نا تۇركىستان وبلىسىنىڭ 18 ەكسپورتتاۋشى كومپانياسى ءوتىنىم بەرگەن. قازاقستان مەن قىتاي اراسىندا ءسۇت ونىمدەرىن ەكسپورتتاۋ بويىنشا بىلتىر جاسالعان كەلىسىم ناتيجەسىندە «Golden Camel Group» زاۋىتى اعىمداعى جىلدىڭ ناۋرىز ايىنان باستاپ قىتايعا 30 توننا قۇرعاق تۇيە ءسۇتىن ەكسپورتتادى. ءىى ايماقارالىق ىنتىماقتاستىق فورۋمى اياسىندا قول قويىلعان تۇركىستان وبلىسى مەن وزبەكستان رەسپۋبليكاسى كاسىپورىندارى اراسىنداعى جالپى سوماسى 50 ملن اقش دوللارىن قۇرايتىن 3 ەكسپورتتىق كەلىسىمنىڭ دە قوسار ۇلەسى قوماقتى بولماق.

ايتا كەتەلىك, 2020 جىلدىڭ قاڭتار-اقپانىندا تۇركىستان وبلىسىنىڭ ەكسپورت كولەمى 54,9 ملن اقش دوللارىن (ونىڭ ىشىندە شيكىزاتتىق ەمەس ەكسپورت - 15 ملن اقش) قۇرادى.