تۇركىستان وبلىسى تولەبي اۋدانىندا جازدىگۇنى تاۋ بوكتەرىندە سالقىن اۋا, تاماشا تابيعات اياسىندا دەمالعىسى كەلەتىندەر دىتتەگەن جەرىنە جىلدام جەتەتىندەي جاعداي جاسالۋدا. ياعني وتكەن جىلى جەرگىلىكتى بيۋدجەت ەسەبىنەن 28,838 شاقىرىم بولاتىن كوشەلەرگە جوندەۋ جۇمىستارى جۇرگىزىلگەن بولاتىن.
ال بيىلعى جىلى 42 كوشەنى جوندەۋ جوسپارلانىپ وتىر. بۇل باعىتتا رەسپۋبليكالىق, وبلىستىق جانە اۋداندىق بيۋدجەتتەردەن قارجى قارالىپ, جالپى ۇزىندىعى 68,4 شاقىرىم بولاتىن جول جوندەۋدەن وتەدى.
ناتيجەسىندە اۋداندا جاقسى جانە قاناعاتتى جاعدايداعى كوشە جولداردىڭ ۇلەسى 39-دان 50,4 پايىزعا ارتپاق. بۇدان بولەك, اۋداندىق ماڭىزى بار اۆتوموبيل جولدارى بويىنشا لەنگىر قالاسىنداعى ورتالىق تولەبي, ءا.بەكتاەۆ كوشەلەرى, شاحتا توعىس جانە بالدىبەرەك-توڭكەرىس ەلدى مەكەندەردىڭ جولدارى ياعني, 18,5 شاقىرىم كوشە ورتاشا جوندەۋدەن وتكىزىلەدى. بۇل جۇمىستار تولىعىمەن اياقتالعان جاعدايدا بيىلعى جىلدىڭ قورىتىندىسى بويىنشا جاقسى جانە قاناعاتتى جاعدايداعى اۋداندىق ماڭىزى بار اۆتوموبيل جولدارىنىڭ ۇلەسى 75 پايىزدان 90 پايىزعا ارتپاق.