الماتى قالاسىندا قايىرىمدىلىق شارالارى ءۇزىلىسسىز جالعاسىپ جاتىر. يگى باستامانىڭ قانات قاعۋىنا شاھاردىڭ اۋداندارى دا ايرىقشا ۇلەس قوسۋدا. ماسەلەن, بوستاندىق اۋدانى بويىنشا بۇگىنگى كۇنگە دەيىن 6 مىڭ وتباسىنا كومەك بەرىلگەن.
ءبىرىنشى كەزەكتە قاجەتتى دەگەن ازىق-ت ۇلىك تاۋارلارى تولتىرىلعان سەبەتتەر از قامتىلعان كوپبالالى جانۇيالارعا تابىستالدى. اتالعان كومەكتەن 1-2 -3-توپتاعى مۇگەدەك جاندار مەن قاراۋشىسى جوق قاريالار دا قالىس قالعان جوق.
«التى مىڭعا جۋىق جانۇياعا قولداۋ كورسەتتىك. ونىڭ ىشىندە ءتورت مىڭعا تارتا بەتپەردە تاراتىلدى. 900 ادامعا دەمەۋشىلەر ۇسىنعان جاقسىلىق جاشىكتەرى ۇلەستىرىلدى. 2000-عا جۋىق مۇقتاج جانعا ءتيىستى كومەك «جاڭا الاتاۋ» قورى ارقىلى بەرىلدى. ەرىكتىلەر قاۋىمى مەن اكىمدىك قىزمەتكەرلەرى تاڭنان كەشكە دەيىن قايىرىمدىلىق شاراسىمەن اينالىسۋدا. الەۋمەتتىك قىزمەتكەرلەرىمىز دە ەرىكتى بولىپ ءجۇر», – دەيدى بوستاندىق اۋدانى اكىمىنىڭ ورىنباسارى مارجان بالباەۆا.