الماتىلىق كاسىپكەرلەر قالا اكىمى باقىتجان ساعىنتاەۆقا ءوندىرىس ورىندارىنىڭ قىزمەتىن قالپىنا كەلتىرۋگە مۇمكىندىك بەرگەنى ءۇشىن العىس ءبىلدىردى. بۇل جونىندە اكىمدىكتىڭ ءباسپاسوز قىزمەتى حابارلادى.
ەسكە سالا كەتسەك, 20 ساۋىردەن باستاپ مەگاپوليستە 31 كاسىپورىن جۇمىس ىستەي باستادى. جاريالانعان تىزىمدە ءوندىرىس جانە قۇرىلىس نىساندارى, سونداي-اق زاڭدى تۇلعالارعا قىزمەت كورسەتۋ ءۇشىن حالىققا قىزمەت كورسەتۋ ورتالىقتارى بار. كەشەدەن باستاپ قالا ەكونوميكاسىن قالپىنا كەلتىرۋدىڭ ەكىنشى كەزەڭى باستالعانى ءمالىم. تولىق ءتىزىمدى قالانىڭ almaty.gov.kz رەسمي سايتىنان تابۋعا بولادى.
قالا كاسىپكەرلەرى ءوز كەزەگىندە بەلگىلەنگەن سانيتارلىق نورمالاردى قاتاڭ ساقتايتىنىن اتاپ ءوتتى. بارلىق اشىلعان مەكەمەلەردىڭ سانيتارلىق-ەپيدەميولوگيالىق قاۋىپسىزدىك تالاپتارىنا سايكەستىگى تەكسەرىلدى. كوميسسيا قۇرامىندا قالالىق كاسىپكەرلىك جانە ينۆەستيتسيالار باسقارماسىنىڭ, تاۋارلار مەن قىزمەتتەردىڭ ساپاسى مەن قاۋىپسىزدىگى باقىلاۋ دەپارتامەنتىنىڭ ماماندارى, سونىمەن قاتار «اتامەكەن» كاسىپكەرلەر پالاتاسىنىڭ مۇشەلەرى جۇمىس جۇرگىزەدى.