پاندەمياعا بايلانىستى گۋمانيتارلىق كومەك كورسەتۋ باعدارلاماسى اياسىندا قازاقستاننىڭ مەديتسينالىق مەكەمەلەرىن قاجەتتى مەديتسينالىق قۇرالدارمەن قامتاماسىز ەتۋ ءۇشىن «حۋاۆەي تەكنولودجيز كازاحستان» كومپانياسىنان 3م فارماتتى سۇزگىسى بار رەسپيراتورلار, سونداي-اق 3M قورعانىس كيىمدەرى ساتىپ الىندى.
9 ملن تەڭگەدەن استام قاراجاتتى قۇرايتىن جەكە قورعانىس قۇرالدارى «سق-فارماتسيا» كومپانياسىنا تاپسىرىلدى. ايتا كەتەيىك, توتەنشە جاعدايدى جويۋ جونىندەگى مەملەكەتتىك كوميسسيانىڭ شەشىمىمەن «سق-فارماتسيا» گۋمانيتارلىق كومەك تاراتۋدىڭ بىرىڭعاي وپەراتورى رەتىندە انىقتالعان بولاتىن.
«بۇگىن بىزگە «حۋاۆەي تەكنولودجيز كازاحستان» كومپانياسىنان گۋمانيتارلىق كومەك كەلىپ ءتۇستى. الىنعان جەكە قورعانىس قۇرالدارى قازىرگى ۋاقىتتا ەڭ مۇقتاج مەديتسينالىق ۇيىمدارعا تاراتىلاتىن بولادى», - دەدى «سق-فارماتسيا» جشس باسقارما توراعاسى بەرىك ءشارىپ.
ونىڭ ايتۋىنشا, بىرىڭعاي ديستريبيۋتور بارلىق كەلىپ تۇسكەن گۋمانيتارلىق كومەكتى قابىلدايدى, مەديتسينالىق ۇيىمدار اراسىنان تاپسىرىس قابىلدايدى جانە بيزنەس وكىلدەرىنەن كەلىپ تۇسكەن تاۋارلاردى ەلدىڭ بارلىق مەديتسينالىق ۇيىمدارىنا جەتكىزۋدى قامتاماسىز ەتەدى.
قازىرگى تاڭدا ەلگە اقش, قىتاي, وڭتۇستىك كورەيا, جاپونيا, تۇركيا جانە ءباا ەلدەرىنەن گۋمانيتارلىق كومەك كورسەتىلدى. سونداي-اق قازاقستاندىق كومپانيالاردا وتانداستارىمىزعا بارلىق كومەكتەرىن كورسەتىپ جاتىر.
ء«بىز قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ باستاماسىمەن COVID-19 بەن كۇرەسۋگە باعىتتالعان #بىزبىرگەمىز اكتسياسىن تولىعىمەن قولدايمىز. قازىرگى تاڭدا ۇلكەن جۇمىس اتقارىپ جاتقان مەديتسينا قىزمەتكەرلەرىنە قولداۋ كورسەتۋ وتە ماڭىزدى, سوندىقتان ءبىز ولاردى قورعانىس قۇرالدارىمەن قامتاماسىز ەتۋگە ءوز ۇلەسىمىزدى قوسۋدى ءجون كوردىك. ءبىز ءبارىن بىرگە جەڭەمىز», - دەدى «حۋاۆەي تەكنولودجيز كازاحستان» كومپانياسىنىڭ باس ديرەكتورىنىڭ ورىنباسارى ليۋ دي.