الماتى قالاسىندا بىرقاتار مۇقتاج وتباسىلارعا كيىم-كەشەك ۇلەستىرىلدى. بۇل تۋرالى قارجى مونيتورينگى كوميتەتىنىڭ ءباسپاسوز قىزمەتى حابارلادى.
– قارجى مونيتورينگى كوميتەتىنىڭ الماتى قالاسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى مەملەكەت باسشىسى باستاما بەرگەن #BIZBIRGEMIZ جالپى رەسپۋبليكالىق اكتسياسى شەڭبەرىندە جانە توتەنشە جاعداي كەزىندە كومەك قاجەت ەتەتىن جانۇيالاردى قولداۋ ماقساتىندا 250 ملن تەڭگەدەن اساتىن زاتتىق ايعاق رەتىندە تاركىلەنگەن كيىم-كەشەكتى ۇيلەستىرىپ بەردى, – دەلىنگەن حابارلامادا.
مالىمەتكە ساي, بالالار كيىمدەرى, اياق كيىمدەر, سپورتتىق كوستيۋمدار, فۋتبولكالار ەكونوميكالىق كونتراباندا بويىنشا قوزعالعان قىلمىستىق ىستەر اياسىندا تاركىلەنىپ, سوتتىڭ ۇكىمىمەن مەملەكەتتىڭ مەنشىگىنە وتكەن بولاتىن. بارلىق كيىم-كەشەك بالالار ۇيلەرىنە جانە قيىن جاعدايدا قالىپ, كومەك كۇتىپ وتىرعان وتباسىلارعا ۇلەستىرىلدى.