بۇگىن كحدر مەن كورەيا رەسپۋبليكاسى ۇزاق ۋاقىت كەلىسسوزدەردەن كەيىن كەسون قالاسىنداعى يندۋستريالدى كەشەندەگى بىرلەسكەن جۇمىستارىن قايتا جانداندىردى. بۇل تۋرالى يتار-تاسس حابارلادى.
اتالمىش كەلىسىمگە 10-11 قىركۇيەكتە وتكەن ەكىجاقتى قىزمەتتىك كەزدەسۋ بارىسىندا قول جەتكىزىلدى.
ۇستىمىزدەگى جىلدىڭ ءساۋىر ايىنان بەرى جۇمىسى توقتاپ تۇرعان يندۋستريالدى كەشەننىڭ اۋماعىنا دۇيسەنبى كۇنى سولتۇستىك كورەيادان جۇمىسشىلار كەلە باستادى. وڭتۇستىك كورەيا كومپانيالارى كحدر بيلىگىنەن كەڭ اۋقىمدا ءوندىرىستى باستاۋعا رۇقسات الدى.
سولتۇستىك پەن وڭتۇستىكتىڭ دوستاستىق پەن ارىپتەستىك نىشانى بولىپ ەسەپتەلگەن كەشەندە 100-دەن اسا وڭتۇستىككورەيالىق كومپانيالار جۇمىس جاساعان. كەشەن كاسىپورىندارىندا 800-دەن اسا وڭتۇستىك كورەيا ازاماتتارى, سونداي-اق كيىم تىگۋ, ساعات پەن ەلەكتروتۇرمىستىق تاۋارلاردى جيناۋمەن اينالىساتىن 53 مىڭ سولتۇستىككورەيالىق قىزمەت ەتكەن.
ايدار ورىسباەۆ.