سوڭعى ايدا الماتى ماڭىندا جەر سىلكىنىسى جاعدايلارى جيىلەگەن. قۋاتى كۇشتى بولماسا دا 2-3 بالدى قۇرايتىن جەر دۇمپۋلەرى وسى ايدا قازاقستان-قىتاي شەكاراسىنا جاقىن اۋماقتا, الماتى وبلىسىنىڭ اۋماعىندا بىرنەشە رەت تىركەلدى. 25 ءساۋىر, ياعني وتكەن تۇندە الماتى ۋاقىتىمەن 03 ساعات 56 مينۋتتا جانە 06 ساعات 55 مينۋت 25 سەكۋندتا قوس بىردەي جەراستى ءدۇمپۋى تىركەلدى.
«سەيسمولوگيالىق تاجىريبە-ادىستەمەلىك ەكسپەديتسياسى» مم-ءنىڭ سەيسميكالىق ستانسالار جەلىسى حابارلاعانداي, 25 ءساۋىر كۇنى بولعان العاشقى جەر سىلكىنىسىنىڭ وشاعى الماتى قالاسىنان وڭتۇستىك باتىسقا قاراي 130 شاقىرىم قاشىقتىقتا قىرعىزستان اۋماعىندا ورنالاسقان. تەربەلىستىڭ ەنەرگەتيكالىق كلاسى 11,5, ماگنيتۋداسى – 4,5. تابيعاتتىڭ توسىن مىنەزى الماتى قالاسىندا 2 بالدىق دەڭگەيدە سەزىلگەن.
ەكىنشى جەر سىلكىنىسىنىڭ وشاعى الماتى قالاسىنان وڭتۇستىك باتىسقا قاراي 426 شاقىرىم قاشىقتىقتا قىرعىزستان اۋماعىنا جاقىن ماڭدا ورىن العان. جەر سىلكىنىسىنىڭ ەنەرگەتيكالىق كلاسى 11,2, ماگنيتۋداسى – 4,9. جەراستى ءدۇمپۋى 15 كيلومەتر تەرەڭدىكتە بولعان.