امەريكادا ءساۋىر ايىندا ورىن العان بوستوندىق مارافونى كەزىندەگى تەراكتىسىنە قاتىسى بار دەپ تانىلىپ وتىرعان قازاق ستۋدەنتتەرى دياس قادىرباەۆ پەن ازامات تاجاياقوۆتىڭ ءىسى بويىنشا كەلەسى سوت وتىرىسى 26 قىركۇيەكتەن 29 قازانعا كەيىن قالدىرىلدى. بۇل تۋرالى يتار-تاسس حابارلادى.
«پروتسەستى سوزۋ ارقىلى پروكۋراتۋرا ستۋدەنتتەردىڭ ءىسىن باستى كۇدىكتى دجوحار تسارناەۆتىڭ ىسىمەن بايلانىستىرىپ, ولاردى تەرروريزم بابى بويىنشا جاۋاپقا تارتپاقشى», – دەدى يتار-تاسس تىلشىسىنە بەرگەن مالىمەتىندە ازامات تاجاياقوۆتىڭ اكەسى.
جۇما كۇنى بوستون قالالىق سوتىندا قانداستارىمىزعا دەرەكتەردى جويۋعا تىرىسىپ, تەراكت بويىنشا تەرگەۋ جۇمىستارىنا كەدەرگى كەلتىردى, دەگەن ايىپ تاعىلعان ەدى. قازاننىڭ سوڭىندا قادىرباەۆ پەن تاجاياقوۆتىڭ ءبىر ادامدىق جەكە كامەرالاردا وتىرعاندارىنا جارتى جىل بولادى. ونىڭ ۇستىنە ولارعا كۇندەلىكتى سەرۋەنگە دە قۇقىق بەرىلمەگەن ەكەن.
ايدار ورىسباەۆ.