2004 جىلدىڭ 22 ناۋرىزىنان شىعىپ كەلە جاتقان «نۇر استانا» رەسپۋبليكالىق جاستار اپتالىق گازەتى ءوز قۇرىلتايشىسى – «نۇر مەديا» جشس-نىڭ شەشىمىمەن الداعى 1 قازاننان باستاپ ينتەرنەت-باسىلىمعا اينالادى. بۇل تۋرالى «Egemennews.kz» ءتىلشىسى حابارلادى.
كەزىندە جالپى تاقىرىپتى قامتىعان ءارى ەلىمىزدىڭ الىس اۋماعىنا دەيىن تاراعان بۇل باسىلىم سوڭعى ۋاقىتتا ءوزىنىڭ نەگىزگى باعىتىن جاستار ومىرىنە, سونىڭ ىشىندە ەلىمىزدەگى جاستار ساياساتىنىڭ جۇزەگە اسىرىلۋ بارىسىنا ارنادى.
ءبىز بولىپ جاتقان وزگەرىستەرگە وراي, «نۇر استانا» گازەتى باس رەداكتورىنىڭ ورىنباسارى قۋانىش جيەنبايعا حابارلاسقانبىز. «باسىلىمنىڭ الداعى 1 قازاندا جابىلاتىنى شىندىق. ونىڭ ورنىنا ينتەرنەت-رەداكتسيا قۇرىلاتىن بولدى. وزدەرىڭىز بىلەتىندەي, زامان تالابىنا ساي قازىر كەيبىر رەداكتسيالار جانىنان ينتەرنەت-رەداكتسيا قۇرىلىپ جاتىر. ءبىز دە سول تالاپتىڭ ۇدەسىنەن شىعۋعا بەل بۋدىق»,- دەدى ول.
ءامىرحان الماعانبەتوۆ.