حالىقارالىق اۋەجاي تۇركىستاننان 35 شاقىرىم قاشىقتاعى كەنتاۋ قالاسىنا قاراستى, شاعا ەلدى مەكەنىنىڭ ماڭىنان سالىنۋدا. قۇرىلىستى «Turkistan International Airport» جشس جۇرگىزۋدە, مەردىگەر مەكەمە – تۇركيالىق «YDA Group» كومپانياسى.
قۇرىلىسقا 341 جۇمىسشى مەن 106 بىرلىك تەحنيكا جۇمىلدىرىلعان. بۇگىندە اۋەجاي تەرمينالىنىڭ كونسترۋكتسيالىق جۇمىستارىنىڭ 90 پايىزى اياقتالعان. سونداي-اق ۇشۋ-قونۋ جولاعى مەن پەرروننىڭ 2 قابات شاعال-تاستى قوسپاسى جانە رۋلدەۋ جولىنىڭ 1 قابات شاعال-تاسى توسەلگەن. اۋەجايدى پايدالانۋعا بەرۋ مەرزىمى – جوبا بويىنشا مەملەكەتتىك - جەكەشەلىك ارىپتەستىك كەلىسىمشارت راسىمدەلگەننەن كەيىن بەلگىلى بولماق. دەگەنمەن بولجام بويىنشا 2020 جىلدىڭ اياعىنا دەيىن قۇرىلىس جۇمىستارى اياقتالۋى ءتيىس.
حالىقارالىق اۋەجاي تەرمينالىنىڭ جولاۋشىلاردى وتكىزۋ مۇمكىندىگى - ساعاتىنا 450 جولاۋشى, اۋماعى 10,5 مىڭ شارشى مەتر, ال ۇشۋ-قونۋ جولاعىنىڭ پارامەترى 3300ح45 مەتر بولادى.
تۇركىستان وبلىسى