وتكەن جىلدىڭ سوڭىندا تالاي ادامنىڭ ءومىرىن جالماعان الماتىداعى ۇشاق اپاتىنان كەيىن «بەك ەير» اۋەكومپانياسىنىڭ باسىنان داۋ ارىلماي كەلەدى. الماتى قالاسىنىڭ تۇركسىب اۋداندىق سوتىندا تۇتىنۋشىلاردىڭ قۇقىقتارىن قورعاۋ كوميتەتىنىڭ «بەك ەير» اق-نىڭ اۋە كومپانياسى جولاۋشىلارىنا كۇشى جويىلعان رەيستەردىڭ اقشالاي قاراجاتتى قايتارۋ جونىندەگى تالاپ ارىزى بويىنشا بەينە-بايلانىس رەجىمىندە العاشقى سوت وتىرىسى ءوتتى.
ساۋدا جانە ينتەگراتسيا مينيسترلىگى ءباسپاسوز قىزمەتى حابارلاعانداي, 22 ساۋىردەگى جاعداي بويىنشا كوميتەت 560 قازاقستاندىق - «بەك ەير» اق-نىڭ كليەنتتەرىنىڭ مۇددەسىن قورعايدى.
«ولار 37 ملن تەڭگەدەن استام سوماعا 1 070 بيلەت ساتىپ العان. تۇتىنۋشىلاردىڭ وتىنىشتەرى كوميتەتكە كۇن سايىن تۇسەدى. سوندىقتان كوميتەت تالاپ ارىزدى سوت شەشىمى شىعارىلعانعا دەيىن كەلىپ تۇسكەن ارىزدارمەن تولىقتىراتىن بولادى», دەلىنگەن حابارلامادا.
سوت وتىرىسى بارىسىندا «بەك ەير» اق-نىڭ وكىلى اۋەكومپانيا كليەنتتەرىنە اقشا قايتارۋ پروتسەسىن باستاعانىن حابارلادى. ونىڭ ايتۋىنشا, اۋەكومپانيا 300 ملن تەڭگەگە جۋىق قارجى قايتارعان. قاراجاتتى قايتارۋ ءۇشىن تۇتىنۋشى اۆياكومپانياعا بارىپ, بيلەتتىڭ الىنعانىن راستايتىن قۇجاتتاردى ۇسىنۋى قاجەت. كەلەسى سوت وتىرىسى 2020 جىلدىڭ 13 مامىرىنا تاعايىندالدى.