الماتىدا توتەنشە جاعدايعا بايلانىستى تابىسىنان ايىرىلىپ, قيىن جاعدايعا تاپ بولعان تۇرمىسى تومەن جانۇيالاردى قولداۋ شاراسى جۇيەلى جالعاسىپ جاتىر. قالالىق سىبايلاس جەمقورلىققا قارسى ءىس-قيمىل دەپارتامەنتىنىڭ قىزمەتكەرلەرى ء«بىز بىرگەمىز» باستاماسىنا ءۇن قوسىپ, تۇرمىسى تومەن وتباسىلارعا قولداۋ تانىتتى.
كارانتيندە جاتقان از قامتىلعان كوپبالالى وتباسىلار ءۇشىن ارنايى دايىندالعان سەبەتتە ەڭ قاجەتتى ازىق-ت ۇلىك تاۋارلارىمەن قوسا انتيسەپتيكتەر بار. جاقسىلىق جاشىگىنە بالدىرعاندارعا ارنالعان تاتتىلەر دە سالىنعان.
«قازىر توتەنشە جاعداي كەزىندە ەشكىمدە جۇمىس جوق. بارلىق جەر جابىق. جاعدايدى ەسكەرە كەلە ءبىزدىڭ قىزمەتكەرلەر ءوزارا اقىلداسىپ, جاعدايى تومەن جانە كوپبالالى وتباسىلارعا كومەك كورسەتۋ تۋرالى شەشىمگە كەلدىك», – دەيدى قالالىق سىبايلاس جەمقورلىققا قارسى ءىس-قيمىل دەپارتامەنتىنىڭ باسقارما باسشىسى ەلنار يگىلىكوۆ.
جالپى توتەنشە جاعداي جاريالانعان ۋاقىتتان بەرى الماتىدا مۇقتاج وتباسىلارعا قول ۇشىن سوزۋعا تالپىنعان اق جۇرەك جانداردىڭ كوپتەپ شىعىپ جاتقانى كوڭىل قۋانتادى.