وتكەن اپتادا ء«بىز بىرگەمىز» قورىنان بولىنگەن 5 ميلليون مەديتسينالىق بەتپەردەنىڭ 2 ميلليونى الماتى قالاسىنا جەتكىزىلگەن بولاتىن. يگى ىسكە مۇرىندىق بولعان «نۇر وتان» پارتياسىنىڭ بەلسەندىلەرى قورعانىش قۇرالىن تاراتۋ ءىسىنىڭ جالعاسىپ جاتقانىن مالىمدەدى.
ماسەلەن مەگاپوليستىڭ اۋەزوۆ اۋدانىندا كۇن سايىن 10 مىڭ ماسكا ءتيىستى ورىندار مەن مۇقتاج جاندارعا تاراتىلادى. كومەك الۋشىلار اۋداننىڭ كوپ بالالى جانە از قامتىلعان جانۇيالارى مەن مۇگەدەك جاندار. ولارعا قاجەتتى زاتتاردى جەتكىزىپ بەرۋگە ەرىكتىلەر دە اتسالىسىپ جاتىر. ولاردىڭ بارلىعى مەديتسينالىق تەكسەرىستەن ءوتىپ, قورعانىش كيىمدەرىمەن تولىق قامتاماسىز ەتىلگەن. اتالعان اۋداننىڭ ەنشىسىنە قور تاراپىنان 300 مىڭ قورعانىش داكەسى بەرىلگەن.
سونداي-اق, قالا بويىنشا ء«بىز بىرگەمىز» اكتسياسى اياسىندا مۇقتاج جانداردىڭ ءىشىپ-جەمى دە نازاردان تىس قالىپ جاتقان جوق. ەڭ قاجەتتى دەگەن ازىق-ت ۇلىك تۇرلەرى ۇيلەرىنە دەيىن جەتكىزىلىپ وتىر. توتەنشە جاعدايعا بايلانىستى قايىرىمدىلىق اكتسياسى قالانىڭ ءار اۋدانىندا قانات قاعۋدا. بۇل ىستەرگە ەرىكتىلەر دە مول ۇلەس قوسۋدا.