توتەنشە جاعدايعا بايلانىستى ازاماتتاردىڭ كەيبىر ساناتىنا بەلگىلەنگەن 42500 تەڭگە كولەمىندەگى الەۋمەتتىك كومەك الۋعا 830 مىڭنان استام الماتىلىق ء وتىنىش بەرگەن. ونىڭ 360 مىڭنان استامى اتالمىش كومەكتى الىپ تا ۇلگەرگەن. قالالىقتارعا بەرىلەتىن قارجىنىڭ جالپى سوماسى 15 ملرد 3 ميلليون تەڭگەنى قۇراپ وتىر.
بۇل سوما ارى قاراي دا ۇلعايا بەرمەك. تولەمگە ءوتىنىم قابىلداۋ ءالى دە جالعاسىپ جاتىر. جالپى رەسپۋبليكا بويىنشا ءتيىستى جاردەماقىنى الۋعا 6 ملن 300 مىڭعا جۋىق ادام ارىز بەرىپ, ونىڭ 3 ميلليوننان استامىنا 42500 تەڭگە بەرىلگەن.
«ازاماتتاردىڭ كوپشىلىگى مالىمەتتەرىن قاتە بەرگەن جانە بجت كەش نەمەسە كەيىن تولەپ ەرتە ارىز بەرگەن. ونىڭ ىشىندە ەل اۋماعىنان شىعىپ كەتكەن ازاماتتاردىڭ, قايتىس بولعان ازاماتتاردىڭ اتىنان دا بەرىلگەن وتىنىشتەر بار. قازىر بىزدە قايتارۋ جۇمىستارى ءجۇرىپ جاتىر», – دەيدى قالالىق الەۋمەتتىك ءال-اۋقات باسقارماسى باسشىسىنىڭ ورىنباسارى دانيار الكەباي ۇلى.