الماتى قالاسىنىڭ اكىمى باقىتجان ساعىنتاەۆتىڭ تاپسىرماسى بويىنشا قالا اكىمىنىڭ ورىنباسارى ەرجان باباقۇماروۆ بەينە-بايلانىس رەجىمىندە ورتالىق قالالىق كلينيكالىق اۋرۋحانانىڭ ۇجىمىمەن كەزدەسۋ وتكىزدى. كەزدەسۋگە دەنساۋلىق ساقتاۋ ۆيتسە-ءمينيسترى ءلاززات اقتاەۆا, سونداي-اق قالالىق قوعامدىق دەنساۋلىق باسقارماسى مەن تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىلارى, وقكا-نىڭ باس دارىگەرى قاتىستى.
كەزدەسۋ بارىسىندا ناۋقاستار مەن اۋرۋحانا قىزمەتكەرلەرىن ورنالاستىرۋدىڭ, قاۋىپسىزدىكتىڭ سانيتارلىق-ەپيدەميولوگيالىق شارالارىن ساقتاۋدىڭ اعىمداعى جاعدايى تالقىلاندى.
ء«بىز قالالىق اۋرۋحانانىڭ دارىگەرلەرى مەن مەديتسينالىق قىزمەتكەرلەرىن قانداي جاعداي الاڭداتاتىنىن, قالىپتاسقان جاعدايدى تىكەلەي رەتتەپ, ورىن العان ماسەلەلەردى شەشۋ ءۇشىن بارلىق شارالاردى قابىلداۋ ماقساتىندا جينالىپ وتىرمىز», – دەپ اتاپ ءوتتى ەرجان باباقۇماروۆ.
سونداي-اق ول اۋرۋحانا ۇجىمىنا جۇقتىرۋ جاعدايلارىنا قاراماستان, سابىرلىق تانىتىپ, جاساعان جۇمىستارى ءۇشىن العىسىن ءبىلدىردى.
سۇراقتار مەن ۇسىنىستار جونىندە حيرۋرگيا ءبولىمىنىڭ مەڭگەرۋشىسى ن. كەمەلحانوۆ, فيزيوتەراپيا ءبولىمىنىڭ مەڭگەرۋشىسى ا. تورەقۇلوۆا, نەۆرولوگيا ءبولىمىنىڭ مەڭگەرۋشىسى گ. قۇسايىنوۆا, رەانيماتسيا ءبولىمىنىڭ مەڭگەرۋشىسى گ. بەردالينا, تراۆماتولوگ-دارىگەر گ. ەگەموۆ جانە باسقا دا ماماندار ءسوز سويلەدى.
كەزدەسۋ قورىتىندىلاعان اكىم ورىنباسارى, كوتەرىلگەن ماسەلەلەردى شەشۋ بويىنشا بىرقاتار ناقتى تاپسىرمالار بەردى.
ول, الداعى ۋاقىتتا دا اتالعان اۋرۋحانا ۇجىمىمەن كەزدەسۋلەر جالعاساتىنىن جەتكىزدى.