جاپپاي بەلەڭ العان قاۋىپتى ىندەتكە بايلانىستى «Nur Otan» پارتياسىنىڭ الماتى قالالىق فيليالى حالىقتىڭ الەۋمەتتىك تۇرعىدان وسال توپتارىن قولداۋ ءۇشىن بىرقاتار كەشەندى شارالار لەگىن قولعا العانى بەلگىلى.
بۇل تۇرعىدا تۇتاس ەل كولەمىندە قانات قاققان «Birgemiz» رەسپۋبليكالىق كورى جانىنان قۇرىلعان «Almaty Birgemiz» جوباسى دا جاقسى ىستەردىڭ باسىندا ءجۇر.
پارتيانىڭ ايماقتىق بولىمشەسىنىڭ ءباسپاسوز قىزمەتى حابارلاعانداي, «Almaty Birgemiz» قورى كومەككە مۇقتاج 23 مىڭنان استام الماتىلىققا 50 مىڭ تەڭگەدەن قارجى ءبولدى. سونىمەن قاتار «Birgemiz» رەسپۋبليكالىق قورى تاراپىنان الماتى قالاسىنا 2 ملن مەديتسينالىق بەتپەردە جىبەرىلدى. ول ماسكالار 40 مىڭ تۇرعىنعا, ياعني ااك الاتىندارعا, 1-3 توپ مۇگەدەكتەرىنە, ەرەكشە قاجەتتىلىگى بار بالالاردى تاربيەلەپ وتىرعان وتباسىلارعا جانە مەديتسينالىق-الەۋمەتتىك مەكەمەلەرگە تاراتىلعان.
«مەديتسينالىق بەتپەردەلەردى جەتكىزۋ بويىنشا اكتسيا قالانىڭ بارلىق اۋداندارىندا باستالدى. اتالعان شاراعا 200 ەرىكتى جانە 120-عا جۋىق اۆتوكولىك جۇمىلدىرىلدى»,– دەپ حابارلادىپارتيانىڭ ءباسپاسوز قىزمەتى. الداعى ۋاقىتتا دا مۇنداي يگى باستامالار جۇيەلى تۇردە جالعاسا بەرمەك.