مەملەكەتتىك كوميسسيانىڭ شەشىمى بويىنشا, 20 ساۋىردەن الماتى قالاسىنداعى كاسىپورىنداردىڭ جۇمىسى كەزەڭ-كەزەڭمەن ىسكە قوسىلا باستايدى. بۇل رەتتە ونەركاسىپتىك كاسىپورىنداردىڭ, قۇرىلىس كومپانيالارىنىڭ, سونداي-اق الدىن الا جازىلۋ بويىنشا نوتاريۋستاردىڭ جانە ناۋرىزباي اۋدانىنداعى حقكو ءبىر بولىمشەسىنىڭ (تەك قانا بيزنەسكە قىزمەت كورسەتۋ ءۇشىن) قىزمەتكە كىرىسۋىنە رۇقسات بەرىلدى.
وسىلايشا, قالادا جۇمىسپەن قامتىلعانداردىڭ جالپى سانى بىرتىندەپ ءوسىپ, اي كولەمىندە تاعى دا 90 مىڭ ادامعا كوبەيمەك. كاسىپورىنداردى ىسكە قوسۋ ءىسى دە جۇمىس ەرەكشەلىگىنە بايلانىستى, كەزەڭ-كەزەڭمەن جۇزەگە اساتىن بولادى.
اتالعان سالالارداعى كاسىپورىنداردى ىسكە قوسۋ تەك اۋديت جۇرگىزىلگەننەن كەيىن جانە ۇجىمداردىڭ دايىندىعى مەن سانيتارلىق-ەپيدەميولوگيالىق تالاپتارعا سايكەستىگى تۋرالى وڭ شەشىم شىعارىلعاننان كەيىن عانا مۇمكىن بولادى.
ءاۋديتتى جەرگىلىكتى اتقارۋشى ورگانداردىڭ وكىلدەرىنەن, سەس جانە «اتامەكەن» ۇكپ قىزمەتكەرلەرىنەن تۇراتىن جۇمىس توپتارى جۇرگىزەتىن بولادى. سونداي-اق, ىسكە قوسىلعاننان كەيىن جۇمىس ىستەپ تۇرعان كاسىپورىندار ارناۋلى مونيتورينگتان ءوتىپ, تالاپتار ساقتالماعان جاعدايدا, قىزمەتىن توقتاتۋى مۇمكىن.
قىزمەتكەرلەردى COVID-19 ينفەكتسياسىنان قورعاۋ جونىندەگى ءىس-شارالاردىڭ تولىق تىزبەسى قالانىڭ بارلىق ونەركاسىپ جانە قۇرىلىس نىساندارى ءۇشىن ازىرلەندى. جۇمىس بەرۋشىلەر قاتاڭ سانيتارلىق نورمالاردىڭ ساقتالۋىنا دەربەس جاۋاپكەرشىلىكتە بولادى. سونىمەن قاتار, نىسانداردا قىزمەتكەرلەردىڭ جاي-كۇيىنە ساۋالناما جۇرگىزىپ جانە ولاردى جۋرنالعا تىركەي وتىرىپ, سونداي-اق تەپلوۆيزورلاردىڭ كومەگىمەن بايلانىسسىز تەرمومەتريا ارقىلى كۇندەلىكتى اۋىسىم الدىنداعى مەديتسينالىق تەكسەرۋ جۇرگىزۋ تالاپ ەتىلەدى. بارلىق قىزمەتكەرلەردى مەديتسينالىق ماسكالارمەن جانە قولعاپتارمەن, دەزينفەكتسيالاۋشى مايلىقتارمەن نەمەسە تەرى انتيسەپتيكتەرىمەن, سانيتايزەرلەرمەن قامتاماسىز ەتۋ قاجەت.
قىزمەتكەرلەر اراسىندا, ونىڭ ىشىندە اسحانالاردا, قاشىقتىقتى ساقتاۋ, كەڭەستەردىڭ سانىن, سونداي-اق ادامداردىڭ ءبىر جەردە كوپ شوعىرلانۋىن بارىنشا قىسقارتۋ ماڭىزدى. ءۇي-جايلاردا ۇنەمى دەزينفەكتسيا جانە ىلعالدى جيىستىرۋ, جەلدەتۋ جانە اۋا باپتاۋ جۇيەلەرى, سونداي-اق جەكە گيگيەنا جانە ت.ب. ارنالعان سانيتارلىق توراپتار جۇمىس ىستەۋى ءتيىس.
اسقىنعان رەسپيراتورلىق جۇقپالار (جوعارى تەمپەراتۋرا, جوتەل, تۇماۋ) جانە باسقا دا جۇقپالى اۋرۋلار ايقىندالعان قىزمەتكەرلەردى جۇمىسقا جىبەرۋگە تىيىم سالىنادى. بۇل جاعدايدا, قىزمەتكەردى دەرەۋ وقشاۋلاپ, جەدەل مەديتسينالىق جاردەم بريگاداسىن شاقىرۋ قاجەت.
وسىعان بايلانىستى, ءتيىستى اۋديت جۇرگىزىلگەننەن كەيىن جانە كاسىپورىننىڭ كارانتين جاعدايىندا جۇمىس ىستەۋگە دايىندىعى تۋرالى قورىتىندى بەرىلگەننەن كەيىن عانا قىزمەتكەرلەر مەن كولىك قۇرالدارى تۋرالى دەرەكتەردى www.infoalmaty.kz بازاسىنا ەنگىزىلەدى. تەك سودان كەيىن عانا الماتى قالاسى بويىنشا ءجۇرىپ-تۇرۋعا رۇقسات بەرىلەتىن بولادى.