الماتىنىڭ اكىمشىلىك سوتى توتەنشە جاعداي رەجيمىن بۇزۋعا قاتىستى ءبىر تاۋلىكتە 93 ءىستى قارادى. اكىمشىلىك قۇقىق بۇزۋشىلىق تۋرالى كودەكسىنىڭ 476-بابىنا سايكەس, شاھاردىڭ مامانداندىرىلعان اۋدانارالىق اكىمشىلىك سوتى تارتىپكە باعىنباعان بىرقاتار ازاماتتارعا ايىپپۇل ارقالاتقان. سوڭعى ەكى اپتادا 10 ادام اكىمشىلىك قاماۋعا الىنسا, 61 ادامعا ايىپپۇل سالىنعان. سونداي-اق 22 تۇرعىنعا ەسكەرتۋ جاسالىپتى.
«28 ناۋرىزدان باستاپ 604 ادام كوشەدە سەبەپسىز جۇرگەنى ءۇشىن اكىمشىلىك جاۋاپكەرشىلىككە تارتىلدى, ونىڭ التاۋى قاماۋعا الىندى, 52-سىنە ايىپپۇل سالىندى, 17 ادامعا ەسكەرتۋ جاسالدى. باقىلاۋ-وتكىزۋ بەكەتتەرىن اينالىپ ءوتىپ, قالاعا كىرۋ ءتارتىبىن بۇزعانى ءۇشىن 18 ادام جاۋاپقا تارتىلدى», – دەيدى الماتى قالالىق پد باسشىسىنىڭ ءبىرىنشى ورىنباسارى نۇرلان الماسبەكوۆ.