توتەنشە جاعداي كەزىندە العى شەپتە قىزمەت جاساپ جۇرگەن ۇلتتىق ۇلان ساربازدارىنىڭ ەڭبەگى ەرەن. الماتى قالاسى اكىمدىگى مەن شاھاردىڭ 8 اۋدانى ۇلاندىقتاردىڭ ەڭبەگىن ەسكەرىپ, ساربازدارعا ىقىلاسىن ءبىلدىردى. اتاپ ايتقاندا جۇزدەگەن ۇلاندىقتار مەن ۇلان ارداگەرلەرىنە ازدى-كوپتى الەۋمەتتىك كومەك كورسەتىلدى.
كارانتين ءتارتىبى بارىنشا كۇشەيتىلگەن مەگاپوليستە مىڭعا تارتا ۇلاندىق كۇن-ءتۇن دەمەي قوعامدىق ءتارتىپتى كۇزەتۋدە. «وڭتۇستىك» وڭىرلىك قولباسشىلىعىنىڭ 5571 اسكەري بولىمىندە قىزمەت ەتەتىن بىرقاتار ازاماتتاردىڭ وتباسىنا ازىق-ت ۇلىك قوراپشالارى تابىس ەتىلدى. قيىن ساتتە بار جىگەرىن ەل قاۋىپسىزدىگىنە ارناعان جەكە قۇرام قىزمەتكەرلەرىنىڭ اراسىندا كوپبالالى اكەلەر مەن مۇگەدەك بالالاردى تاربيەلەپ وتىرعاندار, سونداي-اق الەۋمەتتىك جاعىنان از قامتىلعان جاندار دا بار.
«ناعىز ەرلەر سىن ساعاتتا سىنالادى. مۇنداي كەزدە اسكەري قۇرىلىمدارعا ارتىلاتىن جۇك پەن جاۋاپكەرشىلىكتىڭ سالماعى اۋىر. ءبىزدىڭ ۇلاندىقتار مۇنى جاقسى تۇسىنەدى. 115 تەن استام ازىق-ت ۇلىك قوراپشالارىن ۇلەستىرىپ, ساربازدارعا جىگەر بەرىپ جاتقان اكىمدىكتەگىلەرگە راحمەت. اسكەري ءبولىمنىڭ قوعامدىق ۇيىمدارى بۇل سەبەتتەردىڭ بىرازىن ارداگەرلەردىڭ ۇيىنە بارىپ تابىس ەتەتىن بولادى. قازاقستان حالقىمەن بىرگە اتى جامان ىندەتپەن كۇرەسىپ جاتقانداردىڭ الدىڭعى شەبىندە وسى ءبىزدىڭ ۇلتتىق ۇلاننىڭ ساربازدارى دا ءجۇر», دەيدى قازاقستان رەسپۋبليكاسىنىڭ ۇلتتىق ۇلانى «وڭتۇستىك» وڭىرلىك قولباسشىلىعى قولباسشىسىنىڭ ورىنباسارى نيازتاي الكەشەۆ.
ۇلتتىق ۇلان ساربازدارىنىڭ اسكەري وركەسترى دە سىن ساعاتتا سىرتتا قالماي قوعامعا پايدامىز تيسە دەيدى. وركەستر الداعى كۇندەرى ساربازدار مەن تۇرعىنداردى جىگەرلەندىرۋ ماقساتىندا ونلاين كونتسەرت ۇيىمداستىرۋدى قولعا الماق.