قازاقستان پارلامەنتى ءماجىلىسىنىڭ توراعاسى نۇرلان نىعماتۋلين قىتاي حالىق رەسپۋبليكاسىنىڭ توراعاسى سي تسزينپينمەن كەزدەسىپ, ەكى ەل قارىم-قاتىناسىنىڭ ماڭىزدى ماسەلەلەرىن تالقىلادى, دەپ حابارلادى ءماجىلىستىڭ ءباسپاسوز قىزمەتى.
قازاقستان پارلامەنتى ءماجىلىسىنىڭ توراعاسى نۇرلان نىعماتۋلين قىتاي حالىق رەسپۋبليكاسىنىڭ توراعاسى سي تسزينپينمەن كەزدەسىپ, ەكى ەل قارىم-قاتىناسىنىڭ ماڭىزدى ماسەلەلەرىن تالقىلادى, دەپ حابارلادى ءماجىلىستىڭ ءباسپاسوز قىزمەتى.
بۇل – مارتەبەلى مەيماننىڭ ءبىزدىڭ ەلىمىزگە العاشقى مەملەكەتتىك ساپارى.
نۇرلان نىعماتۋلين قازاقستان پرەزيدەنتى نۇرسۇلتان نازارباەۆ پەن قىتاي باسشىسىنىڭ سىندارلى ساياساتىنىڭ ارقاسىندا ەكى ەل حالقىنىڭ يگىلىگى جولىندا جوعارى دەڭگەيدەگى مەملەكەتارالىق قارىم-قاتىناس ورناپ, تۇراقتى ءارى قارقىندى دامىپ كەلە جاتقانىن تىلگە تيەك ەتتى.
سونىمەن بىرگە, قازاقستان مەن قىتايدىڭ – شىۇ, اوسشك, بۇۇ سياقتى حالىقارالىق ۇيىمدار اياسىنداعى بايلانىسى دا نازاردان تىس قالمادى.
ءماجىلىس توراعاسى قحر ءتوراعاسى سي ءتسزينپيننىڭ ساپارى بارىسىندا جان-جاقتى ستراتەگيالىق سەرىكتەستىكتى ودان ءارى نىعايتۋ تۋرالى بىرلەسكەن دەكلاراتسيا قوس مەملەكەت ىنتىماقتاستىعىنىڭ تامىرىن تەرەڭدەتەتىنىنە سەنىم ءبىلدىردى.
كحر توراعاسى ەكى ەلدىڭ ءتۇرلى سالاداعى ءوزارا قاتىناسىنا جوعارى باعا بەرە كەلىپ:
– قازىرگى تاڭدا ءبىزدىڭ قاتىناسىمىز بۇرىنعىدان دا قارقىندى دامىپ كەلەدى, – دەدى.
سونىمەن بىرگە, سي تسزينپين ءوزىنىڭ ءبىزدىڭ ەلىمىزگە ساپارى قازاقستان پرەزيدەنتىنىڭ ارقاسىندا قول جەتكىزىلگەن كەلىسىمدەردىڭ ناتيجەسىندە ءبىزدىڭ ەلدەرىمىزدىڭ اراسىندا ورناعان ستراتەگيالىق, دوستىق جانە تاتۋ كورشىلىك قاتىناستىڭ ناقتى كورسەتكىشى ەكەنىن باسا اتاپ ءوتتى.
كەزدەسۋ بارىسىندا ءماجىلىس توراعاسى مەن قىتاي باسشىسى پارلامەنتارالىق بايلانىستىڭ ماڭىزدىلىعىنا دا ەرەكشە كوڭىل ءبولدى.
نۇرلان نىعماتۋلين پارلامەنت ماجىلىسىندە حالىق وكىلدەرىنىڭ بۇكىلقىتايلىق جينالىسىمەن ىنتىماقتاستىق جونىندە توپتىڭ بار ەكەنىن العا تارتا كەلىپ, ءبىز ءۇشىن ۇدەمەلى ەكونوميكالىق ءوسىم, يننوۆاتسيا, جەمقورلىقپەن كۇرەس, باسقا دا سالالاردى زاڭنامالىق قامتاماسىز ەتۋ جاعىنان قىتايلىق ءارىپتەستەرىمىزدىڭ تاجىريبەسى ماڭىزدى, دەدى.
كەزدەسۋ سوڭىندا ءماجىلىس توراعاسى قحر توراعاسىنىڭ قازاقستانعا ساپارى ستراتەگيالىق سەرىكتەستىكتى ودان ءارى نىعايتىپ, ەكى ەل قارىم-قاتىناسىنىڭ, سونىڭ ءىشىندە, پارلامەنتارالىق ىنتىماقتاستىقتىڭ نىعايۋىنا تىڭ سەرپىن بەرەتىنىن اتاپ ايتتى.