تۇتاس ەل بولىپ قاۋىپتى ىندەتپەن كۇرەسىپ جاتقاندا, باس پايداسىن كوكسەندەردىڭ توسىن ارەكەتى ءالى دە تىيىلماي تۇر. الماتىلىق ءتارتىپ ساقشىلارى ازاماتتاردى كارانتين ايماعىنان زاڭسىز شىعارۋمەن اينالىسقان تاكسي جۇرگىزۋشىلەرىن انىقتاعان. بۇل تۋرالى پوليتسيا دەپارتامەنتىنىڭ ءباسپاسوز قىزمەتى حابارلادى.
مۇنداي قيسىنسىز ارەكەتپەن الماتى جانە الماتى وبلىسىنىڭ شەكاراسىندا ورنالاسقان ەكى ءۇيدىڭ تۇرعىندارى اينالىسقان. ولار جولاۋشىلاردى قالامەن وبلىس شەكارالارىنا وتكىزۋ جانە كەرى تاسىمالداۋدىڭ جوسپارىن جاساپتى.
– تاكسي جۇرگىزۋشىلەرىنىڭ ءبىرى شارتتى تۇردە قالادان كليەنت الىپ, ونى الاتاۋ اۋدانىنداعى تەرەكتى ىقشاماۋدانىندا ورنالاسقان جەكە ۇيگە الىپ بارادى. كليەنت ودان ءارى جاياۋ ءجۇرىپ, اۋلادانوتەدى, سودان كەيىن جالپى قاقپادان الماتى وبلىسىنىڭ قاراساي اۋدانى, كوكساي اۋىلىندا ورنالاسقان تاعى ءبىر جەكە عيماراتتىڭ اۋلاسىنا كىرەدى. جولاۋشىنى قاقپانىڭ ار جاعىندا تاعى بىرتاكسي جۇرگىزۋشىسى كۇتىپ تۇرادى جانە ول كليەنتتى دىتتەگەن جەرىنە جەتكىزدى. جۇرگىزۋشىلەر تالعارعا جەتكىزگەنى ءۇشىن 8 مىڭ تەڭگە العان. ال ەكى كورشى ءبىرادامدى ءبىر باعىتقا وتكىزگەنى ءۇشىن 3 مىڭ تەڭگەدەن الىپ وتىرعان, – دەدى الماتى قالالىق پوليتسيا دەپارتامەنتى باسشىسىنىڭ ورىنباسارى بەرىك ابىلبەكوۆ.