الماتى قالالىق پوليتسيا دەپارتامەنتىنىڭ باسشىسى قانات تايمەردەنوۆ كارانتينگە بايلانىستى قۇرىلعان جەدەل-جەلىدەكەزەكشىلىكتە بولدى. ول ەكى ساعات ىشىندە 70-كە جۋىق تۇرعىننىڭ سۇراعىنا جاۋاپ بەرگەن.
– 16 ناۋرىزدان باستاپ ىشكى ىستەر ءمينيسترىنىڭ بۇيرىعىمەن ىشكى ىستەر ورگاندارىنىڭ بارلىق قۇرامى قىزمەتتىڭ كۇشەيتىلگەن نۇسقاسىنا اۋىستىرىلدى. باستاپقىدا «سەنىم تەلەفونىن» قۇرۋ جوسپارلانباعان ەدى. الايدا, قالا ماڭىنداعى جول توسقاۋىلدارىنىڭ جۇمىسى تۋرالىازاماتتاردىڭ سۇراقتارىنىڭ تۋىنداۋى مۇمكىن ەكەنىن بولجاي وتىرىپ, بايلانىس مۇمكىندىگىنشە تەزىرەك ورناتىلدى جانە سول كۇنى پوليتسيا قىزمەتكەرلەرى 254-40-07 بىرىڭعاي ءنومىرىن قولدانا وتىرىپ, حالىقتىڭ سۇرانىستارىنا جاۋاپ بەردى. پوليتسيانىڭ قىزمەتتىك مودەلگە اۋىسۋى تۋرالىتالاپ جاڭارتىلدى جانە ونى ىشكى ىستەر مينيسترىەرلان تۇرعىمباەۆ جەكە قاداعالايدى. حالىقپەن, اسىرەسە, ەل ءۇشىن وڭاي ەمەس ۋاقىتتا ءوزارا ارەكەتتەسۋدىڭ بۇل ءتۇرى قاجەتتى شارا مەن تالاپبولىپ تابىلادى. توتەنشە جاعدايلار مەن كارانتيندىك رەجيم اياقتالعاننان كەيىن دە بىزازاماتتارمەن قارىم-قاتىناس جاساۋ ءۇشىن وسى الاڭدى ساقتاۋعا مۇمكىندىك تابامىز, – دەيدى قانات تايمەردەنوۆ.
سونداي-اق پوليتسيا باسشىسى قالا تۇرعىندارى كوبىنە-كوپ قانداي ماسەلەلەرمەن حابارلاساتىنىن تىلگە تيەك ەتتى.
«وسى تاجىريبەدەن مەن كەلەسى تالداۋ جاساي الامىن: ازاماتتاردىڭ كوبىسى قالا ىشىندەگى شەكتەۋ شارالارىنا قىزىعۋشىلىق تانىتادى, ولاردىڭ جسن نەمەسە اۆتوكولىك ءنومىرىنىڭ ارنايى مالىمەتتەر بازاسى ارقىلى كارانتين كەزىندە قالادا جۇرۋگە رۇقساتى بار-جوعىن تەكسەرۋدى, سونداي-اق, تۋىسقاندارى اۋىرىپ نەمەسە قايتىس بولعان جاعدايدا قالادان شىعۋ نەمەسە كىرۋ تۋرالى سۇرايدى. قوڭىراۋ شالۋشىلار بىلىكتى كومەك نەمەسە كەڭەستەر الادى. ايتپاقشى, ازاماتتارماتەريالدىق جانە الەۋمەتتىك قولداۋ ءۇشىن ءبىزدىڭ بايلانىس ورتالىعىمىزعا قوڭىراۋ شالىپ جاتىر», دەيدى تايمەردەنوۆ.
پوليتسيا دەپارتامەنتىنىڭ ءباسپاسوز قىزمەتى كەلتىرگەن مالىمەتكە ساكەس, 2020 جىلعى 10 ساۋىردەگى جاعداي بويىنشا Call-ورتالىقتىڭ تەلەفوندارىناازاماتتاردان بارلىعى 42 مىڭ 583 قوڭىراۋ كەلىپتۇسكەن.
كارانتين كەزىندەگى جاعدايلار تۋرالى – 18.072, قالانىڭ پەريمەترى بويىنشا جولتوسقاۋىلدارىنىڭ جۇمىسى تۋرالى – 6.415, قالانىڭ سىرتىنداعى توسقاۋىل پۋنكتتەرى جايلى – 3.873, قالادا ەنگىزىلگەن شەكتەۋ شارالارىماسەلەلەرى بويىنشا – 7.017, جەدەل شتابتىڭ دەرەكقورى ارقىلى ازاماتتاردىڭ كولىك قۇرالدارى مەن جەكە كۋالىكتەرىنىڭ جسن ءنومىرىن تەكسەرۋسۇراقتارى بويىنشا – 6.521, ىشكى ىستەرورگاندارىنىڭ قىزمەتىنە بايلانىستى ەمەس باسقا سۇراقتار (الەۋمەتتىك جانە مەديتسينالىق قولداۋ, قاشىقتىقتان وقىتۋدى ۇيىمداستىرۋ, كاسىپكەرلىك سۋبەكتىلەرىنىڭ قىزمەتى جانە ت.ب.) – 685 قوڭىراۋ تۇسكەن.