تۇتاس ەل كولەمىندە قانات قاققان #Bizbirgemiz اكتسياسىنا الماتىلىق اسكەري قىزمەتشىلەر دە اۋقىمدى ۇلەس قوسۋدا. قايىرىمدىلىق شاراسىن كەزەكتى رەت راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ ۇجىمى جالعادى. ولار ۇلى وتان سوعىسى ارداگەرلەرىنە, كوپبالالى جانە از قامتىلعان وتباسىلارعا ازىق-ت ۇلىك قوراپتارىن تاراتتى.
– اسكەري قىزمەتشىلەر ء«بىز بىرگەمىز!» اكتسياسى اياسىندا الەۋمەتتىك جاعىنان وسال جانۇيالارعا ازىق-ت ۇلىك پەن ءبىرىنشى كەزەكتەگى قاجەتتى زاتتاردى ۇلەستىردى. اسكەري قىزمەتشىلەر حالىقپەن بىرگە جانە ارقاشان قولداۋ كورسەتەدى, - دەيدى قايىرىمدىلىق اكتسيانىڭ ماڭىزدىلىعىن اتاپ وتكەن اسكەري ينستيتۋتتىڭ باستىعى گەنەرال-مايور اسقار مۇستابەكوۆ
الدىمەن مۇقتاج وتباسىلاردىڭ ءتىزىمى جاسالعان. تىزىمگە 15 ۇوس ارداگەرلەرى جانە بىرقاتار جاعدايى تومەن وتباسىلار ەنگەن.
«اسكەري قىزمەتشىلەرگە شەكسىز العىسىمدى جەتكىزەمىن. بۇگىنگى قيىن كەزدە ءدال وسى كومەككە مۇقتاج ەدىك. ءبىزدى ۇمىتپاي, ەلەپ-ەسكەرىپ جۇرگەندەرىڭە مىڭ العىس», - دەيدى ۇوس ارداگەرى جاركوشى اسقارباەۆ.