الماتى قالاسى مەدەۋ اۋدانىندا 14 جاستاعى مەكتەپ وقۋشىسى تەراكت جاسايتىنىن ايتىپ, جۇرتتى دۇرلىكتىرگەن. بۇل جونىندە پوليتسيا باسقارماسىنىڭ ءباسپاسوز قىزمەتى حابارلادى.
«بۇل اقپارات جەدەل ارەكەت ەتۋدى قاجەت ەتتى. حابارلاما تۇسە سالىسىمەن قالانىڭ بارلىق توتەنشە جاعدايلار قىزمەتىنىڭ وكىلدەرى دەرەۋ وسى مەكەنجايعا بارىپ, ساپەرلاردىڭ كومەگىمەن عيماراتقا كوميسسيالىق تەكسەرۋ جۇرگىزدى. جارىلعىش زاتتار تابىلعان جوق. اقپارات راستالمادى. ونىڭ اۆتورى جەدەل-ىزدەستىرۋ شارالارىنىڭ ارقاسىندا تەز تابىلدى. ول كوپپاتەرلى ۇيلەردىڭ ءبىرىنىڭ 14 جاستاعى تۇرعىنى ەكەنى بەلگىلى بولدى. ءجاسوسپىرىم ءوزىنىڭ جاساعان ارەكەتىن مويىنداپ, ونى بۇزاقىلىق نيەتپەن جىبەرگەنىن ايتتى. بۇل فاكت سوتقا دەيىنگى تەرگەۋدىڭ بىرىڭعاي تىزىلىمىنە قر قك-ءنىڭ 273-بابى بويىنشا تىركەلدى» دەدى الماتى قالالىق پد باستىعىنىڭ ورىنباسارى بەرىك ابىلبەكوۆ.