الماتىداعى ناۋقاستاردىڭ جاعدايى باياندالدى

قازىرگى ۋاقىتتا جۇقپالى اۋرۋلار ستاتسيونارلارىندا 99 ناۋقاس بار, ونىڭ ىشىندە تورتەۋى بالا. وسى ۋاقىتقا دەيىن ءۇش جاڭا جاعداي انىقتالدى, ولاردىڭ بارلىعى ناۋقاستانعاندارمەن بايلانىستا بولىپ جۇقتىرعان ازاماتتار. بۇل 1975 جىلى تۋىلعان ەر ادام جانە 1962 جانە 1964 جىلى تۋىلعان ەكى ايەل.

ەر ادامنىڭ جاي-كۇيى - ورتاشا اۋىر دەپ باعالانۋدا, تەكسەرۋ كەزىندە پنەۆمونيا انىقتالدى. ايەلدەردىڭ جاي-كۇيى –قاناعاتتانارلىق. ولارمەن بايلانىستا بولعان بارلىق ادامدار كارانتينگە ورنالاستىرىلدى. مەگاپوليستە ەمدەلىپ جازىلعانداردىڭ سانى بارلىعى – 21.

80 ناۋقاستىڭ جاي-كۇيى قاناعاتتانارلىق, 2 ەرەسەك ادامنىڭ جاي-كۇيى وتە اۋىر, 4 پاتسيەنتتە – اۋىر, 13 ەرەسەك ادامنىڭ جاي-كۇيى ورتا اۋىرلىق دەڭگەيىندە. پروۆيزورلىق ورتالىقتاردا 318 ادام بار, ونىڭ ىشىندە 35-ءى بالا. تەك كەشە عانا پروۆيزورلىق ورتالىقتاردان 203 ادام ەمدەۋدەن شىعارىلعان, ونىڭ ىشىندە 44-ءى بالا. ولاردىڭ بارلىعى 14 كۇندىك كارانتيندە بولعان. كارانتيندىك وقشاۋلاۋدا 385 ازامات بار, ونىڭ ىشىندە 39-ى بالا, ءۇي كارانتينىندە – 5144 ادام.