اتى جامان ىندەتكە قارسى كۇرەستە ەل ازاماتتارىن قولداۋ ماقساتىندا پسيحولوگيالىق كومەك كورسەتەتىن جاڭا سايت ىسكە قوسىلىپ وتىر. سايتتا ءوتىنىم بەرۋشى SMS-حابارلامامەن جىبەرىلگەن سىلتەمەگە ءوتۋ ارقىلى بەلگىلەنگەن ۋاقىتتا ماماندارمەن بايلانىسا الادى.
«ينتەرنەت-رەسۋرستا الدىن الا ءوتىنىم بەرۋ ارقىلى پسيحولوگتار مەن پسيحوتەراپەۆتتەن ونلاين-كەڭەس الۋعا بولادى. سونىمەن قاتار, سايت بەتىنەن ازاماتتار وزدەرىن قىزىقتىرعان كوپتەگەن سۇراقتارعا جاۋاپ تابادى», دەيدى قازاقستانداعى كوروناۆيرۋسپەن كۇرەس جونىندەگى IT-شتاب ماماندارى.
پسيحولوگيالىق كومەك كورسەتەتىن سايت – covid-19.mentalcenter.kz دەپ اتالادى.