قىرعىز ەلىندە كوروناۆيرۋستان العاش رەت ادام كوز جۇمدى. بۇل تۋرالى باۋىرلاس ەلدىڭ اقپارات اگەنتتىكتەرى حابارلادى.
«كەشە وش وبلىسىنىڭ نوقات اۋماقتىق اۋرۋحاناسىندا ناۋقاس قايتىس بولدى. 61 جاستاعى ول شەتەلدەن كەلگەن. ناۋقاستىڭ سوزىلمالى دەرتتەرى اسقىنعان», دەلىنگەن حابارلامادا.
سونىمەن بىرگە, قىرعىز ەلىندە بۇگىن جاڭا ۆيرۋستىڭ تاعى 9 دەرەگى تىركەلىپ وتىر. ء تورت ناۋقاستىڭ جاعدايى اۋىر, بىرەۋى جاساندى تىنىس الۋ اپپاراتىنا قوسىلعان. جالپى, بۇگىندە قىرعىزستاندا كوروناۆيرۋستىڭ 125 فاكتىسى راستالعان بولسا, ناۋقاستاردىڭ بەسەۋى ساۋىعىپ شىقتى. 1,9 مىڭ ادام قاۋىپتى ىندەتكە شالدىققاندارمەن بايلانىستا بولعان.