الماتى اكىمدىگى كارانتين كەزىندە قانشا دەزينفەكتسيالىق ەرىتىندى جۇمسالعانىن ايتتى. توتەنشە جاعدايدىڭ بۇگىنگە دەيىنگى كەزەڭىندە قالادا 600 مىڭ ليتر ەرىتىندى پايدالانىلعان.
شاھاردا تازالىق جۇمىستارى قارقىندى ءجۇرىپ جاتىر. قوقىس جاشىكتەرى, ورىندىقتار, ايالدامالار, جەراستى جانە اسپالى جولداردى زارارسىزداندىرۋعا 60 جۇمىسشى جۇمىلدىرىلىپتى. قوقىس شىعاراتىن ۇيىمدار قوقىس جاشىكتەرى الاڭدارىن زارارسىزداندىرۋعا 43 مىڭ ليتر ەرىتىندى جۇمساپ, 85 جۇمىسكەر جالداعان. قوعامدىق كولىكتەردى زارارسىزداندىرۋمەن اينالىسقان 100 جۇمىسكەر 130 ليتر ەرىتىندىنى پايدالانعان.
سونىمەن قاتار, اۋلالار مەن پودەزدەردى زارارسىزداندىرۋعا 150 مىڭ ليتر ەرىتىندى قولدانىلىپ, بۇل جۇمىسقا 512 جۇمىسشىتارتىلىپتى. اكىمدىكتەگىلەردىڭ سوزىنە سەنسەك, مەگاپوليستە كۇنىنە 1300 اۋلا مەن سەگىز مىڭ پودەز زارارسىزداندىرۋدان وتەدى.