بۇگىننەن باستاپ الماتى قالاسىنداعى ەكىنشى دەڭگەيلى بانكتەر ءوز قىزمەتىن ۋاقىتشا توقتاتتى. بولىمشەلەر 5 ساۋىردە قايتا اشىلادى دەپ جوسپارلانىپ وتىر. بۇل تۋرالى قر ۇلتتىق بانكىنىڭ ءباسپاسوز قىزمەتى حابارلادى.
«وسى ۋاقىت ارالىعىندا زاڭدى جانە جەكە تۇلعالاردان تولەم قابىلداۋ جانە اقشا اۋدارۋ ينتەرنەت, ءموبيلدى بانكينگ ارقىلى قاشىقتىقتان جۇزەگە اسىرىلادى. قولما-قول اقشانى الۋعا, قولما-قول اقشاسىز ەسەپ ايىرىسۋعا جانە جەكە تۇلعالاردىڭ بانكتىك شوتتارىن تولتىرۋعا ارنالعان بانكوماتتار مەن تەرمينالداردىڭ جۇمىس ىستەۋىن بانكتەر ادەتتەگىدەي قامتاماسىز ەتەدى», - دەلىنگەن حابارلامادا.
سونداي-اق, ۇلتتىق بانككە قاراستى قازاقستاندىق بانكارالىق ەسەپ ايىرىسۋ ورتالىعى بانكتەردىڭ, قازىناشىلىق كوميتەتىنىڭ جانە نارىقتىڭ باسقا قاتىسۋشىلارىنىڭ تولەمدەرىن وڭدەۋدەگى جۇمىسى شتاتتىق رەجيمدە جۇزەگە اسىرىلادى.