جاقسىلىق جاساۋ قوعامعا ورتاق بورىش. ال قىسىلتاياڭ ساتتە قىسىلعانعا قولداۋ تانىتۋ تىپتەن ساۋاپتى ءىس. وسى ورايدا «انالارعا كومەك» جانە «الاتاۋ انالارى» قوعامدىق قورلارى بىرلەسىپ كوپكە ۇلگى بولار يگى باستامانى قولعا الدى. قور قىزمەتكەرلەرى مەديتسينالىق بەتپەردە تىگىپ, مۇقتاج جاندارعا ۇلەستىرىپ كەلەدى.
«قوس قوعامدىق قور بىرىگىپ, وسىنداي ويعا توقايلاستىق. كوروناۆيرۋس – ەلىمىز ءۇشىن اۋىر سىناق. وسى ءساتتى پايدالانىپ, پايدا تابۋدى كوزدەگەندەردى دە كوزىمىز كوردى. بۇل ۇيات نارسە. قازاق جۇمىلا كوتەرگەن جۇك جەڭىل دەيدى. ءبىز كۇن سايىن بەتپەردە تىگىپ, مۇقتاج جاڭدارعا تەگىن تاراتىپ جاتىرمىز. سونىڭ ىشىندە پيك قىزمەتكەرلەرى دە بار. بۇل بەتپەردەلەر تازا شىت ماتادان تىگىلگەن. جۋىپ, ۇتىكتەپ, قايتادان پايدالانۋعا بولادى. قالادا كۇندە ديزەنفەكتسيا جاسالىپ جاتىر. سوندىقتان قورعانىش داكەسىن ءجيى اۋىستىرىپ تۇرماسا بولمايدى. قازىر ءبىراز ادام بەتپەردە تىگۋدى كوممەرتسياعا اينالدىرىپ جىبەردى, بيزنەس كوزىنە اينالدىرعاندار كوبەيدى. ازىق-ت ۇلىك الۋعا ارەڭ قولى جەتىپ جۇرگەن مۇقتاج جاندار ماسكا ساتىپ الۋعا كۇندە اقشانى قايدان السىن» – دەيدى «انالارعا كومەك» قوعامدىق قورىنىڭ باسشىسى گۇلداۋرەن باقبەرگەنوۆا.
ىزگىشۋاق ءىستى قولعا العان ەرىكتىلەر قوعامعا ءسال دە بولسا پايدامىز تيسە دەگەن تىلەكتە. كوڭىل قۋانتارلىعى سول, الماتىدا سوڭعى كۇندەرى مۇنداي ساۋاپتى جۇمىستى قولعا العان ازاماتتار كوبەيە تۇسكەن.