توكيودا وتەتىن جازعى وليمپيادا ويىندارى كوروناۆيرۋسقا بايلانىستى كەيىنگە قالدىرىلدى, دەپ جازدى امەريكالىق USA Today باسىلىمى.
«قازىرگى كوروناۆيرۋس ىندەتىنىڭ كەڭ تارالۋىنا بايلانىستى وليمپيادا ويىندارى كەيىنگە قالدىرىلدى. ناقتى ۋاقىتى ءالى بەلگىسىز. دەگەنمەن, وليمپيادانىڭ ءدال 24 شىلدەدە باستالمايتىنى انىق», - دەپ مالىمدەدى حالىقارالىق وليمپيادا كوميتەتىنىڭ مۇشەسى ديك پاۋند باسىلىمعا بەرگەن سۇحباتىندا.
ال حالىقارالىق وليمپيادا كوميتەتى بۇل مالىمدەمەنى جەكە ادامنىڭ پىكىرى ەكەنىن ايتىپ, ناقتى شەشىمنىڭ الداعى ءتورت اپتادا قابىلداناتىنىن ايتتى.
ايتا كەتسەك, كوروناۆيرۋستىڭ كوپتەپ تارالۋىنا بايلانىستى توكيودا جوسپارلانعان وليمپيادا ويىندارىنا كانادا مەن اۆستراليا قۇرامالارى قاتىسۋدان باس تارتقان ەدى. ال نورۆەگيا مەن برازيليا وليمپيادانى كەيىنگە قالدىرۋ تۋرالى ءوتىنىش ءبىلدىردى.
ەسكە سالساق, توكيوداعى جازعى وليمپيادا ويىندارى 24 شىلدە مەن 9 تامىز ارالىعىندا ءوتۋى كەرەك بولاتىن.