قازاقستاندىق ديپلوماتتاردىڭ ۇلەسىمەن بىرىككەن اراب امىرلىكتەرىندە جۇرگەن 463 ازاماتىمىز ەلگە جەتكىزىلدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
«قازاقستان رەسپۋبليكاسىنىڭ دۋبايداعى باس كونسۋلدىعىنىڭ ء(باا) ديپلوماتتارى ازاماتتارىمىزدى وتانىنا قايتارۋ بويىنشا جۇرگىزىلىپ جاتقان جۇمىستار اياسىندا 20-21 ناۋرىزدا تۋريستەرىمىزدى دۋباي - الماتى (2 رەيس) جانە دۋباي - نۇر-سۇلتان باعىتتارى بويىنشا رەيستەرگە وتىرعىزۋدى جۇزەگە اسىردى», - دەلىنگەن مينيسترلىك اقپاراتىندا.
ءمالىم ەتىلگەندەي, ديپلوماتتاردىڭ كۇشىمەن اتالعان رەيستەرگە ءباا-دە جۇرگەن وزگە جولاۋشىلار دا وتىرعىزىلعان.
«اتقارىلعان جۇمىستاردىڭ ناتيجەسىندا 463 ازاماتىمىز ەلگە ورالدى. باس كونسۋلدىق قالعان وتانداستارمەن تۇراقتى بايلانىستا جانە ولارعا قاجەتتى كومەك كورسەتۋدە», - دەدى ءسىم.